Kabhi geet likhe kabhi yaad kiya....

arrow_back

Poem

10 views

Prabhakar Kumar

3 October 2020

+ Follow

Kabhi geet likhe kabhi yaad kiya;
Kabhi tujhse bhi fariyaad kiya;
Tujhko paane ki koshish me,
Khud ko kitna barbaad kiya.
Kabhi geet likhe kabhi yaad kiya.....

Yaad hai mujhko ab bhi wo pal,
Jab pahli baar mile the hum;
Har taraf pyaar ki khusboo thi,
Phoolon se khile khile the hum;
Tere bahoin ke ghere me,
Maine khudko aazaad kiya.
Kabhi geet likhe kabhi yaad kiya....

Teri aankhoin par sher kahe,
Zulfon par gazlein likh daali;
Tere rukh ke deedar par to,
Humne kai nazmein likh daali;
Har ek harf me bas tum ho,
Lo tumko apna ustaad kiya.
Kabhi geet likhe kabhi yaad kiya....

Tere jaane se jeevan se,
Kai rang to maano chale gaye;
Pyaar ki ish chausar par hum,
Kismat ke hathon chhale gaye.
Veeran pare ish dil ko ab,
Yaadoin se tere aabaad kiya.
Kabhi geet likhe kabhi yaad kiya...
© PrabhakarKumar

Love