കേട്ടിരിക്കാൻ ആഗ്രഹമുള്ളവർക്കായ് ചിന്തകളുടെ കൂട്ടിൽ കെട്ടി പൂട്ടിവച്ചിരിക്കുന്ന തോന്നലുകളെ എന്നിലെ എന്നെ ഞാൻ പറത്തിവിടുകയാണ്. പിടിച്ചു നിൽക്കാൻ വേരുകൾ തേടുമ്പൊഴും സ്വയം വേരുകൾ അറുത്തു മാറ്റുന്നവൾ. എത്ര കണ്ട് നിങ്ങൾക്കവളെ മനസിലാക്കാൻ കഴിയുമെന്ന് അറിയില്ല. എനിക്കു പോലും മനസിലാക്കാൻ കഴിയാത്തൊരെന്നെ മറ്റൊരാൾ എങ്ങനെ മനസിലാക്കാനാണ്. ഒരു കഥ പറച്ചിലുകാരിയാവാൻ എന്നെ കൊണ്ട് കഴിഞ്ഞെന്നു വരില്ല. ഞാനൊരു നല്ല എഴുത്തുകാരിയോ വായനക്കാരിയോ ഒന്നുമല്ല. പക്ഷെ എനിക്കൊരുപാട് പറയാനുണ്ട്. വരികളിലൂടെ കടന്നുപോവുന്ന ഒരു നിമിഷമെങ്കിലും അത് വെറും എഴുത്തുകളല്ല എൻ്റെ മനസ്സാണ് എന്ന് തിരിച്ചറിഞ്ഞാൽ...