🙋ಹೇಯ್..,ಎಲ್ಲಾ ಯಾಕ್ ಹೀಗೆ ಹ್ಯಾಪ್ ಮೋರೆ🙅 ಹಾಕಿ ಕೂತಿದ್ದು?ಎನೀ ಪ್ರಾಬ್ಲಂ.. ನಿಮ್ಮನ್ನೇ ಕೇಳ್ತಿರೋದು.ಏನಾಯ್ತು?...
ಏನ್ ಹೇಳೋದಮ್ಮ.ಎಲ್ಲ ಮುಗೀತು ಅಷ್ಟೆ😢
ಅರ್ಥ ಆಗಿಲ್ಲ ನನಗೆ. ಬಿಡಿಸಿ ಹೇಳಿ.‌..

ನೀ ಯಾಕ್ ಇಲ್ಲಿ ಪ್ರಪಂಚ ಪರ್ಯಟನೆ ಮಾಡ್ತಿದೀಯಾ.ನಿನ್ನ ಹಂಗೆ ನಾವೂನು.ನಮ್ಮ ಜಾಗದಿಂದ ಹೊರ ಹಾಕಿದ್ಮೇಲೆ ಎಲ್ಲಿ ಅಲೆಯೋದು..😳

ಹ್ಹಹ್ಹಹಾ😂😂ಓ ಹೀಗಾ ವಿಷಯ...ನನ್ನ ಗತಿ ನಿಮಗೂ ಬಂತಾ ಹ್ಹಹ್ಹಹಾ....

ನಗಬೇಡ ನೀನು..ಮನುಷ್ಯ ಜಾತಿ ಮೇಲೆ ಎಷ್ಟು ಕೋಪ ಬರ್ತಿದೆ ಅಂದ್ರೆ ...ಒಂದು ಮನುಷ್ಯ ಜೀವಿ ಕೂಡಾ ಭೂಮಿ ಮೇಲೆ ಇರಬಾರದು. ಹಂಗೇನಾದ್ರೂ ಮಾಡ್ಬೇಕು ಅನ್ನುವಷ್ಟು ಕೋಪ ..ಗೊತ್ತಾ?

😂ಅಲ್ಲಾ ಇಷ್ಟು ದಿನ ಮನುಷ್ಯನ ಒಳಗಿದ್ದು ಅವನ ದುರ್ಭುದ್ಧಿನೇ ಕಲಿತಿದ್ಯಲ್ಲ ನೀನು ಏನ್ ಹೇಳೋದು ನಿಂಗೆ #ಸದ್ಭುದ್ಧಿ?
ನನ್ನ ಎನಿಮೀ, #ದುರ್ಭುದ್ಧಿ ಅಲ್ಲಿ ರಾಣಿ ಹಂಗೆ ಮೆರೀತಿದಾಳೆ ಮನುಷ್ಯನ ಒಳಹೊಕ್ಕು ಗೊತ್ತಾ?ನಾನೀಗ ಕಾಲ್ಕಸ😧
ಕೋಪ ಬರದೇ ಇರುತ್ತಾ?😧

ಇಷ್ಟೆಲ್ಲಾ ಹೇಳೋ ಬದಲು ನೀನೇ ಅಲ್ಲಿ ಇದ್ದು ಅಲ್ಲಿ ಅಟ್ಟಹಾಸ ಮಾಡ್ತಿವೆಯಲ್ಲ ಮನುಷ್ಯನ ಒಳಗೆ #ತಾಮಸಗುಣಗಳು ,ಅವುಗಳನ್ನೆಲ್ಲ ಮೆಟ್ಟಿ ನಿಲ್ಲಬೇಕಿತ್ತು.ನೀನು #ಮಾನವೀಯತೆ ತಾನೇ?

ಯಾಕೆ ನನ್ನದೇ ತಪ್ಪು ಅಂತ ಎತ್ತಿ ಆಡ್ತೀಯಾ #ಕರುಣೆ..ಅಲ್ಲಿ ಮನುಷ್ಯನ ಇಡೀ ಕಣಕಣವನ್ನು #ತಾಮಸಗುಣಗಳು ಆಕ್ರಮಿಸಿಬಿಟ್ಟಿವೆ..ಅವರ ಜೊತೆಗೆ #ನಾಸ್ತಿಕತೆ ಕೂಡ ಸೇರಿಬಿಟ್ಟರೆ ನನ್ನ ಆಟ ನಡೆಯುವುದಾದರೂ ಏನು ಹೇಳು?,😭

ಹೆತ್ತವರು ಬೀದಿಗೆ ಬಿದ್ದರು,ಹಸುಳೆಯನ್ನು ಕಾಮುಕರು ಮುಕ್ಕಿ ಬಿಸಾಕಿದರು.ಯಾರದೋ ಹಣಕ್ಕಾಗಿ, ಇನ್ನಾರೋ ಮಸಣ ಸೇರುವರು.ಸಂಬಂಧಗಳ ಬೆಸುಗೆಯಲ್ಲೂ ಬಿರುಕು.

ಅಯ್ಯಪ್ಪಾ ಸಾಕು ಮಾಡು #ದಯೆಯೇ..ಕೇಳಲಾರೆ ಆ ನೀಚಕೃತ್ಯದ ವ್ಯಥೆಯಾ...,🙉
ಏ ಬನ್ನಿ ಇಲ್ಲಿ ಎಲ್ಲರೂ...
ಏನಾಯ್ತು #ಸಂತೃಪ್ತಿ?ಏ ಬನ್ನಿ ಎಲ್ಲ...ನೋಡಿ ಅಲ್ಲಿ ಆ ಪುಟ್ಟ ಪಾಪುವನ್ನು..ಆ ವೃದ್ಧನಿಗೆ ಸಹಾಯ ಮಾಡುತ್ತಿದೆ.ಅಲ್ಲಿ ನೋಡು ಇನ್ನೊಂದು ಮಗು..ಹಸುವಿಗೆ ಮುತ್ತಿಕ್ಕುತ್ತಿದೆ..ನಾವೆಲ್ಲರೂ ಮಕ್ಕಳ ಒಳಗಿರೋದೇ ವಾಸಿ.ಆ ಮುಗ್ಧತೆಯ ಎಳಸೇ ನಮಗೆ ಅರಮನೆ.ಮುಗ್ಧತೆ ಕಳಚಿ...
ಪ್ರಬುದ್ಧತೆ ಒಳಗಡಿಯಿಕ್ಕುತ್ತಿದ್ದಂತೆ ನಮ್ಮ ಆಯಸ್ಸೂ ಕ್ಷೀಣಿಸುತ್ತಾ ಹೋಗುತ್ತದೆ... ಚಿಂತಿಸಬೇಡಿ.. ಅಲ್ಪ ತೃಪ್ತಿಯಲ್ಲೇ ನಮ್ಮ ಬದುಕಿನ ಸಂತೃಪ್ತಿ ಕಾಣೋಣ....ನಾವ್ಯಾರೂ ಅಂತ ತಲೆ ಕೆಡಿಸ್ಕೋತಿದೀರಾ.....ಮಾನವೀಯತೆ..ದಯೆ..ಸಂತೃಪ್ತಿ. .. ಸದ್ಭುದ್ಧಿ .ಅದೇ ನಾವು ಸಾತ್ವಿಕಗುಣಗಳು....ಆದರೂ ಒಮ್ಮೊಮ್ಮೆ ನಮ್ಮನ್ನು ಭೂತಕಾಲದ ನೆನಪುಗಳು ನಮ್ಮ ಕಾಡಿಬಿಡುತ್ತದೆ..ಅಂದು ಸಜ್ಜನತೆಯ ಬದುಕು ಅದೆಷ್ಟು ಚಂದ ಇತ್ತು. ಬಂಧುಬಳಗ,ನೆರೆಹೊರೆಯ ಸಾಮರಸ್ಯದ ಬಾಳು ಅದೆಷ್ಟು ಮುಗ್ಧವಾಗಿ ಅಂದವಾಗಿ ಇತ್ತು.. ಆಧುನಿಕತೆಯ ಕರಿನೆರಳು ಬಿದ್ದಿರದ ದಿನವದು..ಶಿಕ್ಷಣ ಇಲ್ಲದ ಅನಕ್ಷರಸ್ಥ ಬಾಳಾಗಿದ್ದರೂ ಮಾನವೀಯತೆ ತುಂಬಾ ಇತ್ತು. ಒಬ್ಬರನ್ನೊಬ್ಬರು ನಂಬುತ್ತಿದ್ದರು..ಆಗಲೂ ಮೋಸ,ವಂಚನೆ, ಕಪಟ ಇತ್ತು, ಇಲ್ಲ ಎಂದಲ್ಲ. ಆದರೆ ಸಾತ್ವಿಕ ಗುಣಗಳ ಕಾರುಬಾರೇ ಹೆಚ್ಚಿತ್ತು.ಈಗದೆಲ್ಲ ನೆನಪು ಅಷ್ಟೇ.. ಅಲ್ವಾ?
✍️ಪೂರ್ವವಾಹಿನಿ.
© All Rights Reserved