Ye poem ek vidhva hone ja rahi suhagan ki hain,jiska husband cancer ki wajah se hospital mein hain aur kuch ghante mein duniya se ja raha hain...wo kuch baatein apni patni se kar raha hain,kuch is tarah..
plz read till the end..

ek baar apne aasun ko rok kar,
meri aakhon mein bhi to dekho,
jana mujhe bhi nahi yahan se,
magar taqdeer ka bura khel to dekho...

aaj sirf mein ja raha hun duniya se,
zindagi ka safar tumhara intezaar kar raha,
mujhe pata hain,
is safar ka tumhara sathi chhut jayega,
zindagi mein logon ke taane reh jayenge,
ye mat kro,
wo mat kro,
tum ek vidhva ho,sajna savarna bandh kro,
aise hi shabdo se tumhe bichari banaya jayenga...

ek baar tum mere bare mein bhi sochna,
duniya ko dur kar khushi se tum jina,
koi tumhe khush rakhne vala mile jaye agar,
to khushi se uska saath nibhana,
mein shayad ek panna hun zindagi ka,
mere liye puri kitaab mat bandh karna,
yaad meri aayein to muskan se yaad krna,
apne aasun ke andar mujhe bahne mat dena,
jina zindagi khushi se apni,
aakhiri khwahish meri mat todna...
aakhiri khwahish meri mat todna...

Thank you 🥀

© shiny soul