Abtar Vujuud Mai Mere Taab Aa Jaye
Takliif Jhel Lene Ka Aadaab Aa Jaye

Agar Khul Jaye Ek Baar Sabr Ki Girah
T.o Phir Aansuon Ka Sailaab Aa Jaye

Ae Dakhal-andaaz Tamanna Rukk Ja
Tu Chaahti Hai illahi Ka 'Azaab Aa Jaye

Nayi Bahaar Ke Ham Be-zabaan Sahi
Pichli Khizaa.n Ka Kuch Hisaab Aa Jaye

Hargiz Na Haar.ne Ki Qasam Khayi Hai
Mushkil Se Nikal Aane Ka Baab Aa Jaye

Kab Tak Halkaan Karen Kasiir Khvaab
Ilm Mai Inka Lubb-e-Lubaab Aa Jaye

Chonchla,Taa'na,Bahaana Sab Aata Hai
Kabhi T.o Teri O.r Se Gulaab Aa Jaye


© AadilKashmiri