ಜಗದ ಜಂಜಾಟವೀಗ ಶಾಂತವಾಗಿದೆ
ಮನದ ಉದ್ವೇಗವೀಗ ತುಸು ಕಡಿಮೆಯಾಗಿದೆ.....
ಯಾರ ನೋವಿಗೂ ಕಿವಿಗೊಡದೆಯೇ
ಸಾಂತ್ವನಕೆ ಮುಂದೆ ಸಾಗದೆಯೇ
ಮಾನವೀಯ ಮೌಲ್ಯಗಳ ಕುಂದಿಸಿಕೊಂಡು
ಕೂತಿದೆ ನಿರಾಳತೆಯಲಿ...‌
ಕೃತಜ್ಞತೆಯ ಮಿಡಿಯದ ಮನಗಳ
ಹಿಂಡಿನೊಳಗೆ ತಟಸ್ಥ ಪ್ರಜ್ಞೆಯಲಿ
ಕುಳಿತಿದೆ..ನೋವಿನ
ಹಂಗೇಕೆ ಮನಕೆಂದು ಯೋಚಿಸಿ...
ಬದಲಾದ ಕಾಲಚಕ್ರದೊಳಗೆ ಜಾಗರೂಕತೆಯ ನಡೆಯಿಂದ ಬದಲಾಗಬೇಕಿದೆ ಮುಂದೆ ಸ್ನೇಹ ಹಸ್ತ ಚಾಚಬಹುದಾದ ಬಿಪಿ,ಶುಗರ್ ಕೈಗೆ ನಿಲುಕದಂತೆ..
ನಿರಾಳವಾಗಿದೆ ಮನ..ಏಕಾಂತದ ನಡುಗೆಯೊಳಗೆ..ಸ್ಥಿತಪ್ರಜ್ಞದಲಿ ಸಾಗುತಿದೆ
ಸುತ್ತ ಮುತ್ತ ನೋಡಿದರೂ ನೋಡದಂತೆ..
ಮಾನವೀಯತೆ ಸತ್ತೇ ಹೋಗಿದೆ ಎಂಬ ಕೂಗು ಕೇಳುತಲೇ ಹೆಜ್ಜೆ ಇಕ್ಕಿದೆ ಮನಸ್ಸು ನಕ್ಕು ಸಾಗಿದೆ
ಜಗಕೂ ತನಗೂ ಏನೂ ಸಂಬಂಧವೇ ಇಲ್ಲದಂತೆ..‌
👀ಪೂರ್ವವಾಹಿನಿ.