"Haan manti hun mujhse hogayi galti
ladka na bani mein ban gayi ladki
chalo abb maaf v kardo
mujhse hogayi galti."
"Ye v jaanti hun iss duniya mein akar
kardi hun mein galti
chalo abb maaf v kardo
mujhse hogayi galti."
"Ek ladki hokar ke raat mein bahar
nikal ke jana ha sabse bada paap
par issliye to dopeher mein nikli
roshni thi saaf..."
" Haan ye meri galti na hoti
agar dopeher ko naa nikalti
chalo abb maaf v kardo
mujhse hogayi galti."
"Bhul gayi thi ek ladki hun mein
bahar nikalna to durr sochna v nasseb
mein nahi milti
chalo abb maaf v kardo
mujhse hogayi galti. "
"Chhote kapde pehenne se besharam kehlati
issliye issbaar salwar dupatta ke sath
mein nikli thi.."
" Haan maanti hun bahat badi galti
mein kar daali
bina burkha pehne bahar kadam rakh chali.."
"Are isme v to galti meri hi rahi ha
kese sochi burkha q pehnu jab hindu
hun ladki mein...
sayad yaad na aya ki yahan dharam
ke naam pe koi vedvaab hi nahi ha."
"Haan ek or v galti hogayi ye v
maanti hun..
abbtak to mujhko marjaana chahiye tha,par besharm abb v hospital
ki bed pe leti hun..."
"Haan maanti hun mujhse hogayi galti
bichaare sirf mera balatkaar karke
q bhugtenge saasti."
"Itna bada rehem jo kiye jinda
chhod diye
abb kisbaat ki saasti milni chahiye
app hi batayiye.."
"Abb candle march chhod ke andolon
karna chahiye
q ki galti mujhse hui or unko
2-3maheene ki saja milrahi ha.."
"Koi galti thodi kiye bass mere
jism ko khaa gaye..
par achhi baat ye ha ki road pe
jindaa fek diye..."
"Ek binti ha bass mere sath ye
baat v dafnado..
un roop ke pujarion ko
abb aazadi dilado.."
"Jyada se jyada bass or kuchh
jindagiyon se khelenge..
par mere jese najaane kitne
galat ladki saamne v to ayenge."
"Haan hogayi GALTI MUJHSE abb
mujhe maaf v kardo...
Ye ghootan vari jindagi se
mujhe azaad hi kardo..."
-By Lipsa
#Pain#rape survivor#Rape victim#cheap society #Writcoanthology#writco@Lipsa8074