dheron baatein kehni hai tumse
tum sukoon ke kuch pal lete aana…
mein kahun tum bas sunte jana
kuch gile shikwe hain.. kuch narazgiyan
tum unhe mitate jaana,
mein rooth jaun.. toot jaun
fir bhi tum sath rehna,
thoda khul kar hasenge, thoda dard chipaenge
par suno tum bas mujhe sambhal lena,
muddat hui hai paas baithe
kaandhe par sir rakhe
uss ehsaas ko fir se taaza kar jana,
suno..!
dheron baatein karni hai
tum sukoon ke kuch pal lete aana…