ಓ ದೈವದತ್ತ ಪ್ರಕೃತಿಯೆ ನೀನೆಷ್ಟು ಸುಂದರ
ಒಡಲಲಿಟ್ಟು ಸಲಹುತ್ತಿರುವ ನಿನ್ನೀ ಮನಸು ಉದಾರ
ತೋರುತ್ತಿರುವೆ ಜೀವಸಂಕುಲಗಳಿಗೆ ಪ್ರೀತಿಯ ಆಗರ
ಪ್ರಕೃತಿಯ ನಿಶ್ಯಬ್ದವು ಸಂಗೀತದಂತೆ ಕರ್ಣಕೆ ಮಧುರ|1|

ಪಚ್ಚಲೆಗಳಿಂದ ಆವೃತವಾದ ಮನಮೋಹಕ ಪ್ರಕೃತಿ
ನವವಧುವಿನಂತೆ ಕಂಗೊಳಿಸುವ ಚೆಲುವಿನ ಆಕೃತಿ
ಜೀವಿಗಳ ಬದುಕಿಗೆ ಆಸರೆಯಾಗುವ‌ ಸುಕೃತಿ
ಹಸಿರನೊದ್ದ ವನದೇವತೆಯ ಅಮೋಘ ಕಲಾಕೃತಿ |2|

ಪ್ರಕೃತಿಯಲ್ಲಿ ಅಡಗಿದೆ ವರ್ಣಿಸಲಾಗದ ಸೌಂದರ್ಯ
ಉದಾರ ಭಾವ ತುಂಬಿದ ನಿಷ್ಕಲ್ಮಶ ಆಂತರ್ಯ
ಪ್ರಕೃತಿ ಪ್ರೇಮಿಗಳಿಗೆ ಗೋಚರಿಸುವುದು ಚೆಲುವಿನ ಗಾಂಭೀರ್ಯ
ಅರಿಯಲಾಗದ ನಿಸರ್ಗದ ರಹಸ್ಯಗಳು ಮನುಜನಿಗೆ ಆಶ್ಚರ್ಯ|3|

ನೀನೊಂದು ಊಹಿಸಲಾಗದ ಅದ್ಭುತ ಶಕ್ತಿ
ನೆತ್ತರಿನ‌ ಕಣಕಣದಿ ಹರಿಯುತ್ತಿದೆ ಆರಾಧಿಸುವ...