3 views
Part-3 "Aag aur Paani ki fir shuru hoti hai kahani"......... Daksh and Dimple- a destined love saga
"Nayi subah jaane kya nayi umang laayegi
Kya thehri si zindagi me koi rimjhim fuhaar aayegi
Andheron ki roshni se chalti hai jo aankh micholi
Kya iss baar koi alag si bahaar laayegi....."
"Guddu uth bhi jaao. Ghode bech kar so rahi ho. Utho jaldi, aaj Jatoli temple chalenge"
Jatoli shiv mandir, haan yahi to jagah hai wo jahaan dimple ko sukoon milta hai. Behad khoobsurat, aur shaant aese maano khud ishwar ka waas ho wahan. Dimple ke hometown, Solan, se bas yahi koi 7-8 km door hai.
"Sach jaan. Jatoli chalenge ham. Yayyyyyy. Bas abhi shun shattak se taiyar hokar aati hoon."
Madam ki saari neend chhumantar ho gyi. Seedha almirah kholke Dimple kapde select kar rahi hai.
"Jaan kya pehnun me😑😑Kapde hi nhi hai masoom ke paas"
"Acha ye jo do suit naye silwa rakhe hain inka number kab aayega beta. Itne kapde hain aur tumhe koi pasand hi nhi. Jaldi karo der ho rahi hai guddu."
Wese jaan keh to theek hi rahi hain. Kitne saare kapde hain, par ye lete waqt to bahut pasand aate hain, baad me pata nhi kapdon ko kya samasya ho jaati hai, mann hi mann sochkar Dimple ne finally ek suit nikaala😂
White salwaar kameez with red dupatta.
"Arre guddu aa gayi tum, bahut sundar lag rahi ho" Itna kehkar meenakshi aunty ne apni guddu ko kaala tika laga diya
"Kehar to meri jaan-e-bahaar tum dhaa rahi ho" Itna bolkar dimple ne seeti maari aur bas fir uske kaan khinchte hue le aayin meenakshi aunty use bahar.
Chalo ab bus pakadni hai, jaldi jaldi chalo guddu.
Bas maud par pahunche hi the ki Himachal roadways ki bus saamne hi khadi thi.
"Arre Dimple beta tum. Aaj jatoli jaa rahi ho mummy ko lekar, haan"
Ye jaani pehchaani awaaz thi ummed urf Med( मेद) maamoo ki.
Med maamoo, Meenakshi aunty ke rakhi bhai. Pehle unke pados me hi rehte the, meenakshi aunty aur maamoo ki wife, Dewakshi maami dono pakki saheliyan hain.
"Maamoo aap yahan kese. Bataya kyun nahi mujhe", Dimple khushi se chilla padi.
" Tumhari maami tumhe surprise dene waali thi gudiya rani. Par dekho ab use hi surprise milega😂"
"Arre bhai aap kese hain, bache theek hain. Aur Dewi ko mat bataana, uska surprise kharaab nahi hona chahiye" Meenakshi aunty ye kehkar apne bhai se gale milti hain.
"Sab theek hain meenu. Shaam ko lekar aunga sabko ghar. Chalo tum betho, aaj tumhara bhai jatoli chhod kar aayega tumhe"
Poore raaste Dimple ki chatar-patar chaalu rehti hai. Aakhir poore do saal baad jo maamoo aaye hain. Doosre shehar me transfer hua tha unka do saal pehle.
"Arre gudiya rani, dekho mandir aa gaya. Maamoo ab yahin rahenge, ab outstation transfer nahi hoga mera. Poori zindagi hai ab, tum jitni chahe baatein karna. Chalo dhyan se jaana, meenu ko tang mat karna zyada"
"Koi shakk, maamoo😂. Me meenu ko zara bhi pareshan nahi karungi. Shaam ko milte hain. Bye, see you maamoo"
See you kyu bola. Sirf bye bol deti. Nahi, hargiz nahi. Mamma kehti hain apnon ko kabhi alvida nahi kehte. Hamesha ye kaho ki fir milenge.
Jaan:- Guddu tum yahan se prasad ki thaali banwa lo. Normal thaali banwaana, mannat waali na le aana. Dukaandar zara chalaak hote hain, dhyan se haan beta. Me upar chalti hun tab tak aaram se.
"Arre jaan, fikar not. Me le aungi thaali, aap aaram se jaaiye, chaanv me bench par beth jaana, me aati hoon"
Dimple:- Arre bhaiya zara ek thaali bana do, saamaan wahi daalna jo me keh rahi hoon. Eknaariyal (paani waala nariyal hona chahiye, hila kar dekhungi me), paanch bel patra, ek supaari, ek roli, ek packet mishri ka, ek kamal ka phool, aur haan 20 rupay ke gende ke phool bhi kar do. Bas. Kitne hue bhaiya?
"Beta 200 rupay bane"
"Hmm ek minute, ye lo bhaiya"
Jese hi Dimple chalne lagi use ek awaaz sunaayi di, beta suno rukna zara.
Dimple ne palat kar dekha. Saamne ek uncle khade the. Umar yahi koi 40-45 ki hogi unki. Chehre par ek chhoti si muskaan, bahut hi saadharan se kapde pehne the unhone. Bahut hi saadgi waala vyaktitva tha unka.
"Ji uncle, aapko koi help chahiye", dimple ne muskura kar puchha.
" Arre beta tumhe kese pata ki mujhe help chahiye ", uncle smiled while saying this.
" Ji aap bahut der se yahan baaju me khade the. Aapko bhi thaali banvaani hai na uncle par aap samajh nahi paa rahe hain ki kya loon aur kya nahi. Aap mujhe bataiye aapko mannat ke liye thaali chahiye ya bas normal thaali chahiye"
"Arre waah, situational awareness achi hai beta tumhari. Mannat waali thaali me kya alag hota hai beta?"
"Ji uncle usme maata rani ki chunri aayegi, aap ye chhote chhote chhatra dekh rahen hain na inka bhi ek jodaa ayega"
"Acha beta tum banwa do zara mannat waali thaali. Apne bete ke liye mannat maangne aaya hoon me. Arsa ho gaya use hanste hue nahi dekha. Jabse uski maa... " Itna kehkar uncle chup ho jaate hain.
"Uncle aap fikar mat kijiye. Sab theek ho jaayega. Aapka beta nahi aaya aapke saath?"
"Aaya hai na, bahar hai gaadi ke paas. Mandir aaye zamana ho gaya use. Bhagwaan se saare bandhan taud chuka hai wo. Acha beta me chalta hun, aao tum bhi chalo saath. Aur tumhara naam kya hai, beta"
"Ji mera naam Dimple hai. Uncle aap chaliye me bas aati hoon. Wese meri mamma bhi hain mandir me, bench par bethi hongi, mera wait kar rahi hongi. Aap chaliye, me bas abhi aayi"
Jaane Kya chal raha tha Dimple ke dimaag me achanak se. Bas wo tapaak se mandir ke bahar chali gayi. Wahan dekha to ek badi si gaadi ke saath ek ladka khada tha. Aankhon par kaala chashma, black formal trousers aur black shirt pehankar.
Dimple seedha uske paas jaati hai.
"Suno tumhaare papa mandir me gaye the na, mannat maangne ke liye"
"Tum kon, aur tumhe kese pata mera dad ke baare me", usne gehri awaaz me bola. Ekdum expressionless face.
" Tumhe zara si bhi tameez nahi hai. Tum kyu nahi gaye unke saath, akela bhej diya unhe. Mandir ki itni seedhiyaan hain, upar se garmi. Itne bade ho gaye ho par akal zara si bhi nahi hai"
"O, Hello, battery. How dare you talk to me like that. Haan, hoti kon ho tum mujhse ye sab kehne waali. Tameez me raho chashmish, maloom nahi hai kis se panga le rahi ho"
"Ohh, acha. Rajkumaar ho kahin ke. Raaja ho, governor ho, CM ho. Nahi na. Wese tumhe bata doon, governor bhi apne mummy papa ko akele nahi chhodte hain. Aaye bade nakchide kahin ke"
Jaane kya hua tha Dimple ki baaton ko sunkar use. Dimple palat kar jaane lagi to uss ladke ne kaha,
"Ae chashmish, tumne pucha na mandir kyu nahi gaya me. Kyuki tumhaari patthar ki uss murat par mujhe koi yakeen nahi. Isliye uske aage jhukna mujhe manzoor nahi. Aur agli baar mujhse aese baat ki, to tumhaare liye acha nahi hoga. Daksh Oberoi naam hai mera, samjhi. Get lost"
Dimple:- Listen Mr. Oberoi, maana ki patthar ki murat pe tumhe yakeen nahi. Par yahan tak aaye ho to apne dad se pyaar to tumhe bahut hoga. Zakhmon ko dil se itna lagaakar rakhoge
To apno ko lahuluhaan karoge tum
Maana ki shikayaten bahut hain tumhe
Par jo tumhaare hain
Iss vyavhar se unhe bhi kho doge tum
Me jaa rahi hun, patthar ki murat ke liye nahi aayi thi tumhe bulaane. Tumhare dad ke liye aayi thi. Warna tumhaare jeson ke muh me lagti bhi nahi, Mr. Oberoi. Goodbye, I wish we never cross our paths again. Aur haan, mene chashme lagaaye kyunki nazren kamzor hain, par tum chashme lagaakar khade ho kyunki tumhara to dil hi kamzor hai. Khadoos, bedil insaan🙄😏
"Lapten uthi thi aag ki dono taraf
Ghaayal hain do dil, ghaav hain alag
Wo thi roshan si, aur wo andhere sa
Pita ki wo mannat tha
Aur wo maa ki dua
Takraaye jab aag aur paani
Dil me dono ke kuch to hua...."
#DakshDimple
© Gauri_68
Kya thehri si zindagi me koi rimjhim fuhaar aayegi
Andheron ki roshni se chalti hai jo aankh micholi
Kya iss baar koi alag si bahaar laayegi....."
"Guddu uth bhi jaao. Ghode bech kar so rahi ho. Utho jaldi, aaj Jatoli temple chalenge"
Jatoli shiv mandir, haan yahi to jagah hai wo jahaan dimple ko sukoon milta hai. Behad khoobsurat, aur shaant aese maano khud ishwar ka waas ho wahan. Dimple ke hometown, Solan, se bas yahi koi 7-8 km door hai.
"Sach jaan. Jatoli chalenge ham. Yayyyyyy. Bas abhi shun shattak se taiyar hokar aati hoon."
Madam ki saari neend chhumantar ho gyi. Seedha almirah kholke Dimple kapde select kar rahi hai.
"Jaan kya pehnun me😑😑Kapde hi nhi hai masoom ke paas"
"Acha ye jo do suit naye silwa rakhe hain inka number kab aayega beta. Itne kapde hain aur tumhe koi pasand hi nhi. Jaldi karo der ho rahi hai guddu."
Wese jaan keh to theek hi rahi hain. Kitne saare kapde hain, par ye lete waqt to bahut pasand aate hain, baad me pata nhi kapdon ko kya samasya ho jaati hai, mann hi mann sochkar Dimple ne finally ek suit nikaala😂
White salwaar kameez with red dupatta.
"Arre guddu aa gayi tum, bahut sundar lag rahi ho" Itna kehkar meenakshi aunty ne apni guddu ko kaala tika laga diya
"Kehar to meri jaan-e-bahaar tum dhaa rahi ho" Itna bolkar dimple ne seeti maari aur bas fir uske kaan khinchte hue le aayin meenakshi aunty use bahar.
Chalo ab bus pakadni hai, jaldi jaldi chalo guddu.
Bas maud par pahunche hi the ki Himachal roadways ki bus saamne hi khadi thi.
"Arre Dimple beta tum. Aaj jatoli jaa rahi ho mummy ko lekar, haan"
Ye jaani pehchaani awaaz thi ummed urf Med( मेद) maamoo ki.
Med maamoo, Meenakshi aunty ke rakhi bhai. Pehle unke pados me hi rehte the, meenakshi aunty aur maamoo ki wife, Dewakshi maami dono pakki saheliyan hain.
"Maamoo aap yahan kese. Bataya kyun nahi mujhe", Dimple khushi se chilla padi.
" Tumhari maami tumhe surprise dene waali thi gudiya rani. Par dekho ab use hi surprise milega😂"
"Arre bhai aap kese hain, bache theek hain. Aur Dewi ko mat bataana, uska surprise kharaab nahi hona chahiye" Meenakshi aunty ye kehkar apne bhai se gale milti hain.
"Sab theek hain meenu. Shaam ko lekar aunga sabko ghar. Chalo tum betho, aaj tumhara bhai jatoli chhod kar aayega tumhe"
Poore raaste Dimple ki chatar-patar chaalu rehti hai. Aakhir poore do saal baad jo maamoo aaye hain. Doosre shehar me transfer hua tha unka do saal pehle.
"Arre gudiya rani, dekho mandir aa gaya. Maamoo ab yahin rahenge, ab outstation transfer nahi hoga mera. Poori zindagi hai ab, tum jitni chahe baatein karna. Chalo dhyan se jaana, meenu ko tang mat karna zyada"
"Koi shakk, maamoo😂. Me meenu ko zara bhi pareshan nahi karungi. Shaam ko milte hain. Bye, see you maamoo"
See you kyu bola. Sirf bye bol deti. Nahi, hargiz nahi. Mamma kehti hain apnon ko kabhi alvida nahi kehte. Hamesha ye kaho ki fir milenge.
Jaan:- Guddu tum yahan se prasad ki thaali banwa lo. Normal thaali banwaana, mannat waali na le aana. Dukaandar zara chalaak hote hain, dhyan se haan beta. Me upar chalti hun tab tak aaram se.
"Arre jaan, fikar not. Me le aungi thaali, aap aaram se jaaiye, chaanv me bench par beth jaana, me aati hoon"
Dimple:- Arre bhaiya zara ek thaali bana do, saamaan wahi daalna jo me keh rahi hoon. Eknaariyal (paani waala nariyal hona chahiye, hila kar dekhungi me), paanch bel patra, ek supaari, ek roli, ek packet mishri ka, ek kamal ka phool, aur haan 20 rupay ke gende ke phool bhi kar do. Bas. Kitne hue bhaiya?
"Beta 200 rupay bane"
"Hmm ek minute, ye lo bhaiya"
Jese hi Dimple chalne lagi use ek awaaz sunaayi di, beta suno rukna zara.
Dimple ne palat kar dekha. Saamne ek uncle khade the. Umar yahi koi 40-45 ki hogi unki. Chehre par ek chhoti si muskaan, bahut hi saadharan se kapde pehne the unhone. Bahut hi saadgi waala vyaktitva tha unka.
"Ji uncle, aapko koi help chahiye", dimple ne muskura kar puchha.
" Arre beta tumhe kese pata ki mujhe help chahiye ", uncle smiled while saying this.
" Ji aap bahut der se yahan baaju me khade the. Aapko bhi thaali banvaani hai na uncle par aap samajh nahi paa rahe hain ki kya loon aur kya nahi. Aap mujhe bataiye aapko mannat ke liye thaali chahiye ya bas normal thaali chahiye"
"Arre waah, situational awareness achi hai beta tumhari. Mannat waali thaali me kya alag hota hai beta?"
"Ji uncle usme maata rani ki chunri aayegi, aap ye chhote chhote chhatra dekh rahen hain na inka bhi ek jodaa ayega"
"Acha beta tum banwa do zara mannat waali thaali. Apne bete ke liye mannat maangne aaya hoon me. Arsa ho gaya use hanste hue nahi dekha. Jabse uski maa... " Itna kehkar uncle chup ho jaate hain.
"Uncle aap fikar mat kijiye. Sab theek ho jaayega. Aapka beta nahi aaya aapke saath?"
"Aaya hai na, bahar hai gaadi ke paas. Mandir aaye zamana ho gaya use. Bhagwaan se saare bandhan taud chuka hai wo. Acha beta me chalta hun, aao tum bhi chalo saath. Aur tumhara naam kya hai, beta"
"Ji mera naam Dimple hai. Uncle aap chaliye me bas aati hoon. Wese meri mamma bhi hain mandir me, bench par bethi hongi, mera wait kar rahi hongi. Aap chaliye, me bas abhi aayi"
Jaane Kya chal raha tha Dimple ke dimaag me achanak se. Bas wo tapaak se mandir ke bahar chali gayi. Wahan dekha to ek badi si gaadi ke saath ek ladka khada tha. Aankhon par kaala chashma, black formal trousers aur black shirt pehankar.
Dimple seedha uske paas jaati hai.
"Suno tumhaare papa mandir me gaye the na, mannat maangne ke liye"
"Tum kon, aur tumhe kese pata mera dad ke baare me", usne gehri awaaz me bola. Ekdum expressionless face.
" Tumhe zara si bhi tameez nahi hai. Tum kyu nahi gaye unke saath, akela bhej diya unhe. Mandir ki itni seedhiyaan hain, upar se garmi. Itne bade ho gaye ho par akal zara si bhi nahi hai"
"O, Hello, battery. How dare you talk to me like that. Haan, hoti kon ho tum mujhse ye sab kehne waali. Tameez me raho chashmish, maloom nahi hai kis se panga le rahi ho"
"Ohh, acha. Rajkumaar ho kahin ke. Raaja ho, governor ho, CM ho. Nahi na. Wese tumhe bata doon, governor bhi apne mummy papa ko akele nahi chhodte hain. Aaye bade nakchide kahin ke"
Jaane kya hua tha Dimple ki baaton ko sunkar use. Dimple palat kar jaane lagi to uss ladke ne kaha,
"Ae chashmish, tumne pucha na mandir kyu nahi gaya me. Kyuki tumhaari patthar ki uss murat par mujhe koi yakeen nahi. Isliye uske aage jhukna mujhe manzoor nahi. Aur agli baar mujhse aese baat ki, to tumhaare liye acha nahi hoga. Daksh Oberoi naam hai mera, samjhi. Get lost"
Dimple:- Listen Mr. Oberoi, maana ki patthar ki murat pe tumhe yakeen nahi. Par yahan tak aaye ho to apne dad se pyaar to tumhe bahut hoga. Zakhmon ko dil se itna lagaakar rakhoge
To apno ko lahuluhaan karoge tum
Maana ki shikayaten bahut hain tumhe
Par jo tumhaare hain
Iss vyavhar se unhe bhi kho doge tum
Me jaa rahi hun, patthar ki murat ke liye nahi aayi thi tumhe bulaane. Tumhare dad ke liye aayi thi. Warna tumhaare jeson ke muh me lagti bhi nahi, Mr. Oberoi. Goodbye, I wish we never cross our paths again. Aur haan, mene chashme lagaaye kyunki nazren kamzor hain, par tum chashme lagaakar khade ho kyunki tumhara to dil hi kamzor hai. Khadoos, bedil insaan🙄😏
"Lapten uthi thi aag ki dono taraf
Ghaayal hain do dil, ghaav hain alag
Wo thi roshan si, aur wo andhere sa
Pita ki wo mannat tha
Aur wo maa ki dua
Takraaye jab aag aur paani
Dil me dono ke kuch to hua...."
#DakshDimple
© Gauri_68
