தோற்றத்தால் ஒன்று போல்
ஒத்திருப்பது இயற்பியல் இயல்பு
தேற்றத்தை விளக்க ஒவ்வொன்றிற்கும்
ஓர் அடையாளம் தருதல் மரபு

ஏற்றம் பெற்றே மாற்றம்
காணும் மனிதா
நாற்றம் காணும்
உன் மனமே
வேற்று இனமே என
தீட்டு பார்க்கையில்

சமத்துவமே நல்லறம் என்பதே
சான்றோர் நமக்கு போர்த்திட்ட உரம்

மழலையின் சிரிப்பில்
மதம் பேதம் உண்டோ
விழி தரும் வலி நீரில்
மதம் காண்பது நன்றோ

பிணமாகும் உடல் மனம் நோக
பிளவு காண்பதேனோ ...