தோற்றத்தால் ஒன்று போல்
ஒத்திருப்பது இயற்பியல் இயல்பு
தேற்றத்தை விளக்க ஒவ்வொன்றிற்கும்
ஓர் அடையாளம் தருதல் மரபு

ஏற்றம் பெற்றே மாற்றம்
காணும் மனிதா
நாற்றம் காணும்
உன் மனமே
வேற்று இனமே என
தீட்டு பார்க்கையில்

சமத்துவமே நல்லறம் என்பதே
சான்றோர் நமக்கு போர்த்திட்ட உரம்

மழலையின் சிரிப்பில்
மதம் பேதம் உண்டோ
விழி தரும் வலி நீரில்
மதம் காண்பது நன்றோ

பிணமாகும் உடல் மனம் நோக
பிளவு காண்பதேனோ
வீதிக்கு வீதி வீணர்கள்
அவர்களால் தானோ

சமத்துவத்தின் சக்தியைச் சாடிவிடின்
சண்டை என்பதோ சாகிவிடும்
சாந்தம் என்பதைத் தேடிவிடும்
சற்குணத்தைச் சாற்றிவிடும்
சமநிலையைப் போற்றிவிடும்

பறந்து கிடக்கும் பாற்கடலை
பங்குபோடும் பாதகர்களே
பரலோகன் படைப்பினத்தின்
அங்கம்தானே நாம் அன்றோ

சமமே சாஸ்திரம் என
சான்றிருப்போரை
புனிதமும் புகழ் பாடும்
மனிதமும் மறை ஓதும்

சட்டத்தின் முன் சமமென்று
சாட்சி சொல்லும் நாம்
சக மனிதர்களாக
அதில் சறுக்குவதேன்

சாவை வென்றவன்
சமத்தும் தின்றவன்
சகலத்திலும் சாகாவரம்
பெற்றவனே

இணைக்கப்படும் நேசக்கரங்களால்
நேர்வழி பெறுகிறோம்
தோள்கள் உரசிக்கொள்வதால்
தொடர்புகள் பெறுகிறோம்

தழுவிக்கொள்ளும் சகோதரத்துவம்
தண்ணீர் ஊற்றிய தாவர செடி போன்றது
பசுமையில் பசியைப் போக்கும்
ருசியான உணவு கனியாகிறது

ஏழையின் பசியை போக்கிப்பார்
எசமானராகலாம்
வறியவரின் வலியை போக்கிப்பார்
வல்லவராகலாம்

சகல வசதி படைத்தோரும்
சாமானியரும் சமம் என்ற
விதை விதைக்கப்படும்
தோட்டத்தில் சமத்துவத்தின்
மலர்கள் பூத்துக் குலுங்குகிறது

மாடி வீடோ சேரி காடோ
மலையோ மடுவோ
மழைவெள்ளம் வந்தபின்
மனிதமே காக்கப்படும்
சமத்துவமே சாதிக்கும்
சாதி மதம் போக்கப்படும்

அரசனும் அரக்கனாகிறான்
சமத்துவம் கலைத்திடும் போது
ஆண்டியும் அரசனாகிறான்
சமத்துவம் காத்திடும் போது


© ஆறாம் விரல் ​✍🏾

#tamil #tamilquotes #tamilpoem #aaram_viral #writersofinstagram #aestheticthoughts