"ది ఎఫైర్ (ruins a human life) - 1" కి

కొనసాగింపు...

"ది ఎఫైర్ (ruins a human life) - 2"

అలా నాగమణితో పోలీసుల ఇంటరాగేషన్ పూర్తయింది. ఇక తర్వాత నాగమణి తండ్రి మరియు సోదరుడిని విచారించడం ప్రారంభించారు పోలీసులు. అందులో భాగంగా ముందుగా నాగమణి తండ్రిని విచారణకు పిలిచారు.

పోలీసు అధికారి : మీ పూర్తి పేరు ?

నాగమణి తండ్రి  : సత్యనారాయణ.

పోలీసు అధికారి : మీరు ఏం చేస్తుంటారు ?

సత్యనారాయణ : నాకు ఒక అరెకరం పొలం ఉంది సారు. కాలక్షేపానికి అది సాగు చేస్తూ ఉంటాను. ఇక నా కొడుకు ఒక ఫ్యాన్సీ స్టోర్ నడుపుతున్నాడు. దాని మీదే ఆధారపడి బ్రతుకుతున్నాం.

పోలీస్ అధికారి  : మీరు ఎక్కడ ఉంటారు ?

సత్యనారాయణ : మాది..  ఇక్కడే దగ్గరలో ఒక చిన్న పల్లెటూరు సారు.

పోలీసు అధికారి : అంటే మీ అమ్మాయిది, మీది ఒకే ఊరా ?

సత్యనారాయణ : లేదు సారు. వాళ్ళదీ మాదీ పక్క పక్క ఊర్లు. పెద్దగా దూరం కాదు.

పోలీసు అధికారి : మీ ఇంట్లో ఎంత మంది ఉంటారు ?

సత్యనారాయణ : ఆరుగురం.

పోలీసు అధికారి : ఎవరెవరు ?

సత్యనారాయణ : నేను, మా ఆవిడ, కొడుకు, కోడలు వాళ్ల ఇద్దరు పిల్లలు.

పోలీసు అధికారి : సరే సత్యనారాయణ...
మీకు మీ అల్లుడికి ఏ విషయంలోనైనా తగాదాలున్నాయా ?

సత్యనారాయణ : ఈ మధ్యకాలంలో అలాంటివి ఏమీ లేదండి.

పోలీసు అధికారి : అంటే ఇదివరకు ఉండేవా?

సత్యనారాయణ : అంటే అది..! అది..!
(బిత్తర చూపులు చూస్తూ..)

పోలీసు అధికారి : ఎందుకలా నసుగుతున్నావ్ సత్యనారాయణ ? నేను అడిగిన దానికి సూటిగా సమాధానం చెప్పు ! (గదిమాడు పోలీసు అధికారి).

సత్యనారాయణ : అయ్యా..!
నా కూతురిని చేసుకున్న ఆడొక పోరంబోకు. ఏ పని సరిగా చేయడం చేతకాదు. సంపాదన ఉండేది కాదు. కాళిగా అడ్డమైన తిరుగుళ్ళు తిరిగేవాడు.
ఆడి తండ్రి ఉన్నంత కాలం ఆడికి సాగింది. అతను పోయాకా నా కూతురి సంపాదన మీదే ఆధార పడి బ్రతుకుతుండేవాడు.
అందుకే మొదట్లో మేము(నేను, నా కొడుకు) వాడిని మందలించే వాళ్ళం. దాంతో మాకు ఆడికి అస్సలు పడేది కాదు. కొన్నాళ్ళు చెప్పి చెప్పి ఇక వదిలేశాం.

ఒక సంవత్సరం క్రితమే వాడు ఒక తిరుగుబోతు, తాగుబోతు అని తెలిసి మందలించాం. అయినా వినక పోయే సరికి ఇక వదిలేసాం. నా కూతుర్ని కూడా వాడిని వదిలేసి పుట్టింటికి వచ్చేయమని చాలా సార్లు బ్రతిమాలాం. కానీ, భర్తను వదిలి రాలేనని అది కూడా మా మాట వినలేదు సారు !
దాని జీవితాన్ని అదో సగం నాశనం చేసుకుంది.

అసలు వాడు బాధ్యతలు అంటే తెలీనోడు. అలాంటోడికి నా కూతుర్ని ఇచ్చి దాని గొంతు కోసి జీవితం నాశనం చేశానని నిరంతరం బాధ పడుతూనే ఉండేవాడిని (బాధపడుతూ). ఇప్పుడు ఆ పీడ విరగడైనందుకు చాలా సంతోషంగా ఉంది సారు(ఒక్కసారిగా మొహంలో ఆనందంతో).

పోలీసు అధికారి : నువ్వు చెప్పేదంతా నిజమా సత్యనారాయణ ? (ఆశ్చర్యపోతూ ప్రశ్నార్థకంగా)

సత్యనారాయణ : అవును సారు ! (సందేహంగా తలాడిస్తూ).
ఎందుకలా అడిగారు ?

పోలీసు అధికారి  : ఏం లేదు... ...