" اسكريبت "

..
.
=مش تفتح يا اعمى
_اى يا حجه فى اى
=حجه مين بص قدامك
_على فكره انتى اللى كنتي باصه فى الارض
=اه
_طيب
=طيب براحتى ابص فى اى حته تعجبنى انت المفروض تاخد بالك
_حاضر ،هبقى اطير بعد كده علشان متصادمش مع عروسه البحر وهى ماشيه ،اى الهبل ده
.............after 1 Weak .............
_كافيه حلو ،وحظ وحش مش لاقى ترابيزه بس هقعد معاكى ممكن
=لا مش ممكن
_يلا مش مهم ،ازيك ؟
=انا مسمحتلكش تقعد اصلا
_يا شيخه فكى فكى ،سيبك م الرسميات دى
=افندم
_بصى الموضوع انى مفشكل من شهر اشطا والاكس بتاعتى اللى قاعده ع الترابيزه هناك دى
=الف مبروك
_عقبالك
=يعنى انا اى المطلوب منى دلوقتى
_ولا حاجه هقعد معاكى وخلاص ،شويه وهمشي
=اه
_انتى بتقرئى اى
=كتاب
_يا حول الله يارب
=.....
_فى حجات احلى م الكتب كتير
=طيب انا عايزه اركز دلوقتى
_لا سيبك انا مبعرفش اقعد ساكت
=اتفضل ارغي
_هو انتوا كبنات ليه كده
=كده ازاى
_كده كدهو
=هى كان معاها حق تفشكل فعلا
_اه والله معاها حق
=انت معترف يعنى
_يا شيخه ،انا والله لو بنت كنت سبتنى وارتبط بخطيبها
=امممم كنت بتقول اى
_الكتب ،ليه مبتعمليش حاجه تانيه يعنى
=بعمل
_لا خليكي استرتش كده فى الكلام وقولى زى اى علشان الاقى حاجه اتكلم فيها
=تمم ،زى اى
_مش عارف ،صحيح انتى اسمك اى
=ياسمين
_احلي ناس ،انا امجد
=احلى ناس اى انت اهبل
_لا امجد ،أ م ج د
=عاشت الاسامى
_عاشت الاسامى اى انتى ياسمين
=مش معقول والله، دمك سكرر
_نقول اى دلوقتى بقاا ؟. ،اه نسيت كنت هعتذرلك ع اللى حصل اخر مره
=لا ولا يهمك
_بس هو انتى حد داس عليكي قبل كده ولا طولك ده طبيعي
=لا كنت طويله بس اتكرمشت
_ ابقى حاولى تبصي قدامك بعد كده ،انا عارف انه صعب زى ما هو صعب علينا نشوف الطيارات فى السما برضوا بس حاولى
=ع فكره انا مش قصيره تمم ،ثانيا انا عيني بتدمع فى الشمس فمش بشوف كويس
_طب واولا ؟؟،
=....
_انا اسمع عن ناس عنيهم بتبقى عسلي فى الشمس بس اول مره اسمع عن ناس بيجيلها عمى من الشمس
=انت رغاي ليه
_زهجاان ،جرفان ،..
=طهقان
_عليكي نور
=عليك واحد
_لا ده احنا بقينا اصحاب بقا
=معلش انا لما باخد على حد ببقى كده
_عارفه يا بت يا ياسمين ،زمان وانا صغير
=اى يا ياد يا أمجد
_لا هما بيقولوها كده ،مش عارف بيقولوا اى بعدها
=عاش يابني والله
_انتى فى سنه كام
=عارفها (K G 1 )
_تالت حوده ع اليمين دى
=اه اللى جمب التل دى
_الجو هناك ربيع
=لا بجد انا صدعت
_تشربي شاي
=لا طلبت قهوه
_غلط ،انتى عارفه ان القهوه دى بتتعب الكلي وبتضر القلب ،ده غير انها بتسهر والسهر ده غلط على البشره والشعر وبيأثر ع الذكاء وانتى مش ناقصه ذكاء يعنى الله اكبر
=عارفه والله
_وبتشربيها
=اه عادى
_انا كنت اعرف واحد
=بقى اتنين صح
_لا لا ،كنت اعرف واحد جاله انتفاخ بقا عشره
=هو اللى يعرفك هيجيله شلل مش انتفاخ
_اسمه اى الكتاب ده ولا فى اى
=لا ده انا اللى كتباه
_شو اسمه
=بدون عنوان
_لا لازم يبقي ليه عنوان انا ممكن تسميه امجد مثلا
=لا هو اسمه كده
_مش بقولك عليكوا حجات
*اتفضلي يا فندم ،حضرتك تشرب حاجه؟
_واحد قهوه مظبوط
*حاجه تانيه
_لا تسلم
=والله يا جدع عليكوا حجات
_قوليلي يا ياسمين ،ليكي فى الكوره الاول
=لا
_ ليه كده
=ليك فى الميك اب والفاشون والديزينر وال..
_خلاص فى اى مكنش سؤال ،بتعرفي تطبخي
=شويه وانت
_انا عليا شويه شاى اى انا لو مكانك كنت ارتبط بيا
=بس انا مبحبش الشاى
_يلا كله رايح
=طيب همشي انا بقا
_على فين
=عندى محاضره كمان ساعه
_والقهوه
=مش هلحق تتعوض مره تانيه
_لا اقعدى وانا هوصلك بالعربيه انتى بتدرسيي اي
=هندسه ،لسه فى سنه تانيه
_انا فى رابعه ،احب اقولك انك هتشوفى اسود ايام حياتك وهيطلع عينك معنا بإذن الله
=واضح انها مأثره عليك
_الاكس
=لا ،هندسه
_ادينا بنتعلم ،عارفه احلى حاجه اى ؟
=اى
_ان كلو رايح ،كلنا هنموت
=اه فعلا
_اشربي اشربي ،تصدقى ان وانا معاكى بنسي الاكس وكده
=لا انت اللى بتنسي عادى
_لا انا بتكلم جد
=يا عم انت بتنسي ،فى حد يلبس كروكس وهو رايح الجامعه
_مريح
=يمكن
_طب يلا علشان منتأخرش ع الجامعه
=يلا
_انتى عيد ميلادك امتا
=النهارده
_والله ،لازم اجبلك هديه
=هديه كده من اول يوم
_اه استنى (after 5 minute )
_اتفضلى
=مصاصا ؟
_اه ،طعمها حلو
=انت عبيط
_ليه كده ،احنا خلاص بقينا اصحاب مفيش بينا رسميات ،ميهمكيش الفلوس ولا اى حاجه
=اه صح
_هطلب منك طلب
=واى المقابل
_المقابل ع المجاور
=بيساوى جا الزاويه
_لأ جتا
=لأ جا
_ما علينا ،كله رايح
=على رآيك
_انتى معندكيش اكس
=لا معنديش
_يا ساتر يرب
=اى
_انتى سنجل
=اه
_وبائسه
=لا عادى
_ومعقده بقا وعندك كلاكيع
=يا عم مفيش حاجه من دى والله
_وكلامك دبش وكده
=لا والله مفيش الكلام ده
_واستاذ عاطف فى نفسك
=اه وباكل ضفادع وبشرب صراصير
_ينهار اسود
=هو نهار اسود فعلا
_ولا حبيتي قبل كده
=كنت
_ليه
=ليه اى
_حبيتي
=لا كنت زهقانه شويه فعملت قرعه واللى كسب حبيته
_اممم
=.....
_وصلنا
=يلا سلام
_سلام ،خلى بالك من نفسك،اشوفك بكره .
(second day)
_صباح الخير
=صباح النور
_تيجي نخرج
=نخرج مين
_انا وانتى
=نخرج فين
_نخرج اى؟ حد قال نخرج
=انت
_بضحك معاكى بتقفشي ليه
=تصدق انت غريب اوى
_ليه
=اول مره اشوف صحوبيه بالعبط والسرعه دى
_احنا متطورين ،والوقت كالسيف ان لم تقطعه نفخك
=قطعك
_لا الحقيقه انك هتتنفخى لو ضيعتى وقتك
=نمشيها كده
_ليه متخليها قاعده
=مين دى
_كده
=....
_اتفضلى هديه عيد ميلادك
=فيها مصاصا برضوا
_لا دى بجد
=فيها لبان
_لا لا افتحي بس
=....دى فاضيه!
_اه دى العلبه ،بكره اجبلك الهديه علشان نسيتها
=لا تسلم اوى كده
_خدى
=اى ده
_خاتم فضه
=ده اى ؟
_لقيته فى الشارع
=بتهزر
_اه بهزر، دى هديتك
=حلو اوى شكرا بجدد
_قوليلي شكرا يا محاميحو
=محاميحو مين
_مش عارف انتى هتعملى اى دلوقتى
=هذاكر علشان الدكتور الرخم اللى علينا
_دكتور مين
=دكتور صابر المهدى
_امال لو كان بباكى كنتى هتعملى اى
=مش فاهمه
_ده متبري مني من يوم ما خلفنى
=هو انت ابن..
_للأسف ،بس والله عسل
= اه والله دمه خفيف وحبوب كده
_هنهزر ما كان رخم من شويه
=اسفه والله
_حصل خير ،بس شعرك احلى وهو مفكوك
=بجد
_اه والله
=بفكر اقصه
_احلقيه خالص واعملى خط فى الجمب كده هيبقى حلو عليكي
=هاا؟
_وممكن تلزقي شعرك بعد ما تقصيه دقن حلوه كده وسكسوكه صغيره
=انت بتقول اى
_العب باليه
=بابي عنده شاليه
_شال اى
=العب باليه
_بتردهالى يعنى
=يعنى
_انا بحبك
=....
_سمعتى ولا اقول تانى
=سمعت بس بستعبط زيك
_ياسمين انا بحبك بجد
=الله يخليك
_بقولك بحبك
=اللهى تنستر دنيا واخره
_اى يا اما فى اى
=اى
_انا بتكلم بجد والله مش بهزر
=بس يا بابا
_انتى بارده
=بتحبنى اى
_انا اعرفك من 9 ايام صح ،حبيتك من اول يوم ومن اول يوم وانا براقبك من بعيد لبعيد ،الفتره القصيره دى كانت كفايه انى احبك ،انتى تتحبي بجد بكل تفاصيلك
=ليه
_مشعارف من غير سبب كده
=دى اعراض الفشكله دى انا عرفاها
_فشكله اى ،ده كان حوار ،انا محبتش قبل كده اصلا دى كانت حجه بس علشان اكلمك اصل كان لازم اتكلم يعنى ،وكنت كل يوم براقبك من بعيد لبعيد وبدعيلك ربنا يحفظك ،انا بجد حبيتك ،والموضوع زاد وبقيت بفكر فيكي على طول ،ده انا حتى حبيت القهوه علشانك ،وكنت عارف ان امبارح عيد ميلادك قبل ما اسألك ،وانا اللى كنت جبتلك ورد وسيبته قدام البيت يومها ،انا مبقتش اعرف انام غير لما افضل افكر فيكي لغايه ما اصدع وانام
=أا،مش عارفه ارد
_قوليلي انا كمان بحبك
=بس انا مبحبكش
_حبيبتي انتى فى تانيه جامعه ،يعنى عندك20 سنه ،والاندر ايدج بتوع اعدادى بيتكلموا احسن منك
=امر الله بقا هنعترض
_يا دى النيله عليا
=ياسمين
_نعم
=لو كلامي دايقك اعتبريني ما أتكلمتش خالص
_والله معرف انا متدايقه ولا لا بس اللى هو الله يخليك وكده يعنى
=انا كان لازم اقولك ،وانا مستعد اعمل اى حاجه علشان بس اشوفك مبسوطه وبتضحكى ،كل اللى تطلبيه منى انا هنفذه بس تفضلى جمبي
_امجد انا مبحبكش
=عارف والله ،ومش زعلان خالص ،اصل لما ازعل وابعد واتدايق مفيش فايده ،انا هفضل جمبك وهثبتلك انى بحبك بجد وهعمل علشانك كل حاجه وأكيد هتحبيني ،انا واثق

*كان معاه حق ،انا فعلا حبيته ،حبيته علشان كسر الملل والروتين فى حياتى ،حبيته علشان كان الوحيد اللى كل ما اشوفه اضحك من غير سبب زى الهبله ،حبيته علشان كان تافه بس هو الوحيد اللى كان بيسمعنى وانا متدايقه ،حبيته علشان حب شخصيتي المزاجيه ونفسيتي المتقلبه ،حبيته علشان عمره ما زهق منى ولا زعلنى ،حبيته علشان كان بيغير عليا ،حبيته علشان هو يتحب ،يتحب من غير اى حاجه وعلشان حبني من غير حاجه*
(second year)
_امجد انا كمان بحبك
=موافقه تتجوزيني
_ايوه موافقه
=يالهوى عليا
_اى
=انا بجد
_اه والله ،انا بحبك
=احلفى
_حبيبي انت بتعبد اى ،قلتلك والله
=يا بركه دعاكى ياامه
_....
=سلام ،هروح اكلم بابا وهنجيلك بكره عرفى باباكى ،خلى بالك من نفسك ،بحبك ،وممكن نيجي النهارده مش عارف
_تشرف فى اى وقت
=هاتى حضن
_امشي يا امجد
=بحبك ،سلام
_سلام
(Now )
_امجد ،اصحي ..
=فى اى يا حبيبتى
_لارا بتعيط
=مالها ،هى تعبانه
_مش عارفه
=خلاص متقلقيش
_انا خايفه
=بتعيطي ليه انتى كمان دلوقتى
_علشان مش عارفه اسكتها
=اهدى بس ،خلاص هتسكت اهى
_نامت؟
=نامت