Whatever I am writing today, it is specifically for indian girls. West has a different culture, and hence whatever I'll write is not applicable there, I guess. Sorry in advance, to whoever feels that I am saying something wrong.

Pata nahi me ye sab kahun bhi ya na kahun. Par mujhe lagta hai keh dena chahiye. Ye sab kehne ki wajah bahut apni si hai. Because it is related to a friend of mine.

Jitni bhi ladkiyan ise padh rahi hain, unse sirf ek baat kehni hai. Pyaar kisi ko bhi ho sakta hai. Aur usme kuch galat bhi nahi hai. Par aapko ye pata hona chahiye ki har rishte ki ek maryaada aur seema hoti hai. Pyar me itna andha mat hona ki aap wo seema laangh den aur baad me aapko pachhtaava ho.

Agar koi ladka aapko sach me chaahega, to usko tumhaari seerat se pyar hoga, jism se nahi. Pyaar aapko kisi ke vyavahar se hota hai, uski acchhaai se hota, wo jo hai jesa hai bas uske uss andaaz se hota. Baaki sab baad me aata hai.

Jo sach me tumhe chaahega, wo kabhi tumhe uss seema ko laanghne ko nahi kahega. There is a difference between love and lust, a very thin line of difference.

Agar tum apna dimaag khula nahi rakhogi to kon rakhega. Ek baar kisi galat insaan ke chakkar me padd gayi to baad me ye wahi ladka hoga jo kahega mujhe biwi to virgin chahiye. Fir wahi ladka tumhe apne doston me mazaak ka paatra banayega.

Aesi neechi soch waale duniya me bahut hai. Aap unka kuch nahi kar sakti hain. Par haan, uss rishte ka ek daayra baandh sakti hain, jo zaruri hai, khudko ek galat insaan se bachaane ke liye. Aur jo sach me sahi hoga, wo tumhe khud hi uss daayre ko paar karne nahi dega.



© Gauri_68