chhota sa gaanv mera poora big baajaar tha..
ek naee ek badhee aur ek lohaar tha!!!

raat hote hee daadee kee kahaaniyaa sunate...
pahale kahaan television aur akhabaar tha.
multaanee mittee se taalaab mein nhaha lete the...
saabun aur swimming pool sab bekaar tha.
chhota sa gaanv mera poora big baajaar tha.. !!!
kabhee kho-kho to kabhee kabaddee khel lete..
humko kahaan tab cricket ka khumaar tha.
ghade ko kas ke tabale kee tarah bajaata...
gopee bhaiya apana poora sangeetakaar tha.
chhota sa gaanv mera poora big baajaar tha.. !!!
do minute kee Maggie na paanch minute ka paasta...
kachche choolhe par gehoon ka daliya taiyaar tha.
pita ji ke naam se sab jaanate the humhe...
tab pahale kahaan pen aur aadhaar tha.
chhota sa gaanv mera poora big baajaar tha..!!!
Facebook na what's app na hee mobile tha...
kaagajon kee chitthee mein ek doosare ka pyaar tha.
na bargar na pizza na chaoomeen sos tha...
gehoon kee rotee thee aur aam ka achaar tha.
chhota sa gaanv mera poora big baajaar tha...!!!
bus na car aur na hee motorcycle....
bail (animal transport) kee gaadee par har aadamee savaar tha.
rahul ke mamu ho ya golu ke fufaa jee...
paraaya mehamaan bhee apana rishtedaar tha.
chhota sa gaanv mera poora big baajaar tha...!!!
geroo aur gobar vaale makaanon kee khushaboo ...
usake aage Asian paint bhee bekaar tha.
court na kachaharee na hee thaana daphtar...
gaanv ka har ek sarapanch samajhadaar tha.
chhota sa gaanv mera poora big baajaar tha...!!!
na mall the aur na hee koee showroom tha...
anaaj mandee aur sabjee ka baajaar tha.
na concert kee chhat thee na teen kee chaadaren....
ghaas phoos ka bangala bahut hee damadaar tha.
chhota sa gaanv mera poora big baajaar tha...!!!
gaanv ke bujurg baithakar samajhauta kar lete...
kisee kee sarakaar nahee na koee sarakaar tha.
na delhi company aur na soorat kee factory....
khetee kee majadooree hee sab ka vyaapaar tha.
chhota sa gaanv mera poora big baajaar tha...!!!
chaupaal kee hansee bhee kabhee kam na huee....
beshak gareeb ,majadoor aur berojagaar tha.
makke kee rotee thee aur chane ka saag tha....
har raat diwali aur har din tyauhaar tha.
chhota sa gaanv mera poora big baajaar tha...!!!
shahar ne naukaree dee lekin naam chheen liya...
captain jee kahate ab pahale mannu Chaudhary tha.
city mein suvidha hai par gaanv mein sukoon hai...
ab shaharee baaboo hoon pahale gaanv ka gavaar tha.
chhota sa gaanv mera poora big baajaar tha..??
poet:- mannu Chaudhary
please like and give your valuable comments.
#mannupoetry #write #WritcoQuote #writco #WritcoUpdate #writcochallange #inspire #Motivate #Love