Sleeping pills ka jugaad ho gya tha.

भाग - २

Kuch der pehle kaam se wapis aaya, saamne table pe kuch chize rakhi..
Jinka marne ke waqt saath hona jururi hai..

Purane photo album..
Sleeping pills..
Pani ki bottle..
And Deepu ke naam likhi hui Dairy....

Shaam ke 6.30 baj gaye hai
Jab bhi koi chiz dhoondho, iss ghar me milti kyon nahi hai..??

To mai kya dhoondh rha tha...
Haa yaad aaya Notebook, Suicide Note likhne ke liye.

Sochta hu 7.30 tak mar jau..
Jaate-jaate Local news walo ko inform kar dunga to 10 baje ke news me Headlines aa jayegi.

Asal me, mai chahta tha ki Deepu ko mere marne ki khabar lag jaye..
Magar wo to sirf English songs ki shaukeen thi.

Haan to mai Diary dhoondh raha tha, jab bhi koi chiz dhoondho to waqt pe nahi milti.
Mai ghar se nikal pada Diary or fountain pen lene. Bahot dino se fountain pen se likha nahi tha..
Chalo marte waqt Sucide Note hi sahi..

Waise to hamara sheher bahot pyara hai..
Magar mujhe yaha ke Govt. se ek shikayat hai..
Yaha marne ki suvidha nahi hai..

Aur jagah Sunset point hote hai..
Jheel ke kinare lover's spot hote hai,
Ki log waha jaye..
Apne lover se chori-2 mile..
Ghanto baatein kare..
Zindgi saath bitane ki sapne dekhe..

Or fir agar baat na bane...
Dhokha mile..
Bichhad jaye..
Meri tarah D'maag kharab ho jaye..

To wahi aaye, apni suvidha se..
Thoda soche-vichare..
Life ke baare me apne aap se sawal-jawab kare..
Or fir Bhagwan ka naam lekar kud jaye..
Mare to mare aur agar bach gaye to baaki life Hospital me..

Mere kehne ka. Matlab hai ki Govt. ko iss baare me sochna chahiye.
Ki agar mai apne ghar ki Tanhayi me, apne Fridge ke saamne ya apne Sofe pe baith kar nahi marna chahta hu, Mujhe koi Romantic jagah chahiye to uske liye to suvidha honi chahiye na...
Hamare sheher me aisi koi jagah nahi hai..

Zindgi me to mai kuch khaas na kar saka..
Bachpan me bade sapne dekhe the, kitni chize karna chahta tha mai..
Lekin uparwale ke karam se Bachpan compromise me hi nikal gayi or jawani struggle me...
Dost saare aage nikal gaye..
Koi videsh chala gaya to kisi me shaadi kar li..

Le dekar ek Deepu mili thi social network par to wo bhi mari ja rhi thi apne parivar walo ke samaj or Reeti-Riwaaz ke pressure me..

Jao.... Jao... Sab jao...
Hamara bhi time ho gaya hai..
Hum bhi jaa rhe hai..