அல்லச்சொல்லைகள்
அலையுதே அங்கங்கே
கள்ளிசெடியாக Writco - வில்
நெல்லிக்கனியாக
நேரிய கவியோர்
துல்லிய மரபிலே
தொண்டுகள் ஆயிரம்
தூயதமிழிலே
அள்ளியே தருகிறார்
அருந்துங்கள் நீ மென்றே!

அகக்கண் குருடர்கள்,
அசடுவழியும் திருடர்கள்,
ஆன்மீக வேடர்கள்,
பெண்பித்த சீடர்கள்,
தொடர்கின்ற வரிசையிலே
தொகைக்கணக்கில் தொல்லைதர
தொழுநோயால் துவள்கிறதே
தொன்மைவாய்ந்த கவிதைகளும்…

கவி திருடும்
கள்வர்களே
பிறர் கதை தழுவும்
மிக நல்லோர்களே
சதை சாதம்
சமமன்றோ பிற
கதை நாமம்
உமதென்றோ!?

ஆக்கம் கெட்ட
ஆண்மகனோ
அள்ளும் பகலும்
அலைகிறானே
தனக்கான நோக்கம்
ஏதுவென்றே அறியாது
ஊக்கம் மறந்து
பெண்பித்தனாக
ஒற்றை புள்ளி
எழுத்துகளையும்
ஓ ஹோ கவி என்று
உருட்டுகிறான்…

வாரி வழங்கும்
வள்ளலாரே
வார்த்தை போதை
பேதை மயக்கும்
Like - கும் வரும்
Poke - கும் வரும்

பாவம் அவளும்
பழக்கப்பட்டவளே
பாரதிகண்ட
புதுமைப்பெண் - Version 2.0

கவி எழுத வந்தவரோ
காதல் வலை வீசுகிறார்
கற்பனையில் அவளும் விழ
காலப்போக்கில் பேசுகிறாள்

ஆணும் பெண்ணும்
Common என்றே
காமம் முகம்
காட்டுகிறார்
மோகம் கொண்டே
முழுதாய் நம்பி
இவளும் அங்கே
சூழலுக்கு
தலையாட்டுகிறாள்

Flow - வில் வரும்
கவிதைக்கு
Follower - என்ற
எதிர்பார்ப்பு எதற்கு!?

Testimonial பக்கத்திலே
Test paper கணக்கில்
புகழார மாலை,
போதாத குறைக்கு
அர்த்தமற்ற அறிவிலிகள்,
அறியாமலேயே அள்ளித்தரும்
Like கிற்கு சாட்சிய கூறு வேறு!?

விளங்குமா
எழுத்து செயலி
இவ்வண்ணம்
இவர்களின் எண்ணம்

அறிவார்ந்த பதிவுகளை
அழகாக பரிந்துறைங்கள்
அளவான பதிவுகளில்
காதலையும் மோதலையும்
சாதலாகச் சமைத்து உண்ணுங்கள்

அன்றியும்
அற்ப ஆசையில்
அடையாளமின்றி
அல்லச்சொல்லைகளாக
அலைந்து திரியாதீர்கள்.


© ஆறாம் விரல் ​✍🏾

#தமிழ் #தமிழ்ப்பக்கம் #தமிழ்கவிதைகள் #தமிழ்கவிதை #தமிழ்வரிகள் #aaram_viral #tamil #WritcoQuote #wtitcotamil