ഭാഗം-17
പ്രകൃതിക്കുമുണ്ട് അവകാശങ്ങൾ
.,................................................................

പതിവുപോലെ സൈക്കിൾ സവാരി നടത്തുമ്പോഴാണ് കുട്ടപ്പൻ സർ, വീടിന്റെ മുമ്പിൽ കാത്തു നില്ക്കുന്നതു കണ്ടത്. സൈക്കിൾ നിർത്തി സാറിന് നമസ്തേ പറഞ്ഞു.

" എന്താ സാറെ ഇവിടെ നോക്കി നില്ക്കുന്നത്, ആരെങ്കിലും വരാനുണ്ടോ?"

"നോക്കി നിന്നത്, നിന്നെത്തന്നെ. ഉണ്ണിക്കുട്ടൻ ഇന്നൊരു സ്ഥലം വരെ പോകണം."

"എവിടേക്കാണു സാറേ?".

" നമ്മുടെ വായനശാലയിൽവെച്ച് ഇന്നൊരു സെമിനാറുണ്ട്. പ്രകൃതിയുടെ അവകാശങ്ങൾ എന്നതാണ് വിഷയം.
നീ വലിയ പ്രകൃതി ഭക്തനല്ലേ? പോയി കേട്ടാൽ ഗുണം ചെയ്യും. നിനക്ക് അഭിപ്രായങ്ങൾ പറയാനും കഴിയും."

" ആരാ സാറേ, മുഖ്യ പ്രഭാഷകൻ?"

ആളിനെ നീ അറിയും. ആ പക്ഷിയുടെയും മരങ്ങളുടെയുമൊക്കെ കഥയും കവിതയുമെഴുതി നടക്കണ രാജേന്ദ്രൻ സാറാ അതിഥി....