பெட்டை பிள்ளை பெத்துட்டுயே
மவ பொறந்ததும் செத்துட்டியே
எட்டி உதைச்சு அழும் மவள
புட்டி பாலு ஊட்டி வளர்த்தேன்
செத்துட்டாலும் நீ எனக்கு
மரு உருவா மவளா வந்தே

புத்தி கெட்ட ஊர் சனக
இன்னொருத்தி கெட்டிக்கோனு
வெட்டி கதை கதைச்சாங்க
உச்சி கொட்டி போனதுப்பா
இச்ச ஆச மெச்சி போச்சு
கோச்சிக்காம போ மக்கானு
நாசுக்காக பேசிடுவேன்

காலம் தள்ளி போகிடுச்சு
கழுத எனக்கும் வயசாகிடுச்சு
குந்த வச்ச நம் மவள
பந்த காலு நட்டு வச்சி
பக்குவமா பாத்துக்கிட்டேன்
பாவி மக நீ இல்லையே
பாசத்தாலே பந்தலிட
படைச்சவனே பகச்சிகிட்டேன்

காலு தாண்டி போவணுமே
பாசமுள்ள என் மவளே
யோசிக்காம யோசிக்கிறேன்
இப்போவே வந்திராதேன்னு
வர்ற பொழுத யாசிக்கிறேன்

புகுந்த வீடு போற மவ
பிறந்த வீடு மறந்திடுமா
நிரந்தரமா நேசம் வைப்பா
நெறியறிந்த பெட்டை பிள்ளைன்னு
நெஞ்சை நான் தேதிக்குறேன்

பொண்ணு இவ சிறை இருந்தா
பூவுலக ஆசானெல்லாம்
பாசம் எல்லாம் வேஷம் என்பார்
ஆடு மேய்க்கும் ஆசாமியோ
குறும்பாடு விற்கச் சந்த போனா
முந்திக் கொண்டு ஏல கூறு
குறையா விலையில்
விரலில் சொல்வார்

விலையில்லா தங்கமடி
என் மவளே நீ எனக்கு
விதி கிடக்கு அழ வேண்ணா
என்றைக்குமே உங்கப்பன்
நா உன் பாசத்தின் அங்கமடி

சேவல் கூவ காலங்காத்தால
காகம் கத்த நீர் தெளிப்பே
கறவை மாடு கத்துதேன்னு
காம்பழுத்தி பால் கறப்ப

சோறு போடும் வயக்காடு நோக்கி
ஏறுகட்டி நான் நடக்க
வாசலிலே வழியனுப்ப
நேச மவளே
நிறைஞ்ச சிரிப்பா நீயிருப்ப

களத்துமேடு களையெடுத்து
களைப்பாக இருக்கையிலே
கட்டு சோறு கட்டிவந்து
கஞ்சித்தண்ணி நீ கொடுப்ப

பெற்ற மவளே இப்போ எங்கே
நீ இல்லமா செத்துக்கிடக்கேன்
உன் அப்பன் இங்கே

வாக்கப்பட்டுப் போன மவ
வர மாட்டாளா எனை பார்க்க
ஏக்கத்தோடு காத்திருக்கும்
வயதாகிப்போன பாச அப்பா....

© ஆறாம் விரல் ​✍🏾


#tamil #tamilstories #aaram_viral #தமிழ் #தமிழ்ப்பக்கம் #தமிழ்கவிதைகள் #தமிழ்கவிதை #தமிழ்வரிகள்