ഞാനൊരു തിരക്കുള്ള തെരുവിലേക്ക് നടക്കുകയായിരുന്നു ഒരുപാട് തിരക്കുള്ള കച്ചവടക്കാരുടെ ഒരു തെരുവ് അവിടെ പെട്ടെന്ന് ഞാനൊരു കടയുടെ പരസ്യ ബോർഡ് കണ്ടു. 40 വർഷം പഴക്കവും പാരമ്പര്യമുള്ള ഒരു പാവ കച്ചവടക്കാരന്റെ കട,കാണാൻ വളരെ നല്ല മനുഷ്യൻ നല്ല സ്വഭാവമാണ്.മറ്റു കച്ചവടക്കാർക്ക് ഇയാളെ അത്ര ഇഷ്ടമല്ല.ഇയാളുടെ കഠിനപ്രയത്നം ആണ് ഇയാളുടെ വിജയത്തിൻറെ കാരണം.
ഞാൻ പെട്ടെന്ന് ആ കടയുടെ അടുത്തേക്ക് പോയി അവിടെ കുറെ പാവകൾ ഉണ്ടായിരുന്നു എല്ലാം നല്ല ഭംഗിയുള്ള നല്ല വസ്തുക്കൾകൊണ്ട് ഉണ്ടാക്കിയ നല്ല പാവകൾ ആയിരുന്നു . എന്നാൽ എല്ലാ പാവകളുടെ വായ ഒരു തുണികൊണ്ട് കെട്ടി വെച്ചിരിക്കുന്നു ഒരു പാവയിൽ പോലും വായോ ചുണ്ടോയില്ല.അതിൽനിന്ന് എനിക്ക് ഏറ്റവും ഇഷ്ടപ്പെട്ട ഒരു പാവ ഞാൻ എടുത്തു നല്ല തടിച്ച മുഖത്തിൽ ഉണ്ടകണ്ണുകളുള്ള ഒരു ഭംഗിയുള്ള പാവ . പെട്ടെന്ന് എനിക്ക് ഒരു കൗതുകം തോന്നി ഇനി ഈ പാവയുടെ യഥാർത്ഥ സൗന്ദര്യം അറിയണമെങ്കിൽ ഇതിൻറെ വായിലെ തുണി മാറ്റണം.പെട്ടെന്ന് ഞാൻ ആ തുണി മാറ്റാൻ ശ്രമിച്ചു കടക്കാരൻ അത് ശ്രദ്ധിച്ചു എന്നോട് അയാൾ ചൂടായി സംസാരിച്ചു ഞാൻ അയാളോട് ചോദിച്ചു ഞാൻ ഇഷ്ടപ്പെട്ടു വാങ്ങിയ പാവയല്ലേ,അത് എന്ത് ചെയ്യണമെന്ന് ഞാൻ തീരുമാനിച്ചോളാം അത് പറഞ്ഞപ്പോഴേക്കും അയാൾ എൻറെ കയ്യിൽ നിന്നും പെട്ടെന്ന് പാവ പിടിച്ചു വാങ്ങി.അപ്പോൾ വായി കെട്ടിയ തുണി അഴിഞ്ഞുപ്പോയി.ഞാൻ പെട്ടെന്ന് ഞെട്ടിപ്പോയി പോയി പാവയുടെ മുഖം മാറി.വിഷാദരോഗം പിടിപെട്ട ഒരുപാട് കരഞ്ഞു ക്ഷീണിതയായ ഒരു പെൺകുട്ടിയുടെ മുഖം ഞാൻ കണ്ടു.അപ്പോഴേക്കും വേറെ കുറെ ആളുകൾ പാവ വാങ്ങാനായി അവിടേക്ക് വന്നു അതിലൊരാൾ ഞാൻ ചോദിച്ച പാവ തന്നെ ചോദിച്ചും .കച്ചവടക്കാരൻ അയാളോട് ഒരു നിമിഷം എന്ന് പറഞ്ഞു അകത്തേക്ക് പോയി.തിരിച്ചുവരുമ്പോൾ പഴയപോലെ വായ കെട്ടിയ വളരെ ഭംഗിയുള്ള പാവ അയാൾക്ക് നേരെ നീട്ടി.കച്ചവടക്കാരൻ നിങ്ങൾക്ക് എന്തു വേണമെങ്കിലും കാണിക്കാം വായിലെ തുണി മാത്രം മാറ്റരുത് എന്ന കച്ചവടക്കാരൻ അയാളോട് പറഞ്ഞു.അയാൾ പൈസ കൊടുത്തപ്പോൾ ഇപ്പോൾ വിലക്കിഴിവ് ആണെന്ന് പറഞ്ഞ പൈസ തിരികെ നൽകി.അയാൾ പോയി എന്നോട് വളരെ ദേഷ്യത്തിൽ അവിടെനിന്ന് പോവാൻ കച്ചവടക്കാരൻ പറഞ്ഞു.
‌ ഏറ്റവും ഇഷ്ടപ്പെട്ട ഒരു സാധനം കയ്യിൽ നിന്നും നഷ്ടപ്പെടുമ്പോൾ ഉണ്ടാകുന്ന ദേഷ്യവും സങ്കടവും എല്ലാം എൻറെ മനസ്സിനെ വല്ലാതെ വേദനിപ്പിച്ചു.ഞാൻ മെല്ലെ തെരുവിലൂടെ പുറത്തേക്ക് പോവാൻ തീരുമാനിച്ചു പലതവണ ഞാൻ തിരിഞ്ഞ് കടയിലേക്ക് നോക്കി അവസാനം ഞാൻ മെല്ലെ തെരുവിലൂടെ പുറത്തേക്ക് വന്നു.ഞാൻ തിരികെ വീട്ടിലേക്ക് അ പോവാൻ വണ്ടി എടുക്കാൻ പോയി അപ്പൊ പെട്ടെന്ന് ഒരു വണ്ടിയിൽ നിന്ന് ഒരു സാധനം വീണു പോയതായി ഞാൻ കണ്ടു.ഞാൻ അത് എന്താണെന്ന് നോക്കാനായി പോയി എനിക്ക് വളരെയധികം സന്തോഷമായി എനിക്ക് ഏറ്റവും ഇഷ്ടപ്പെട്ട പാവ .വിദൂരേ നിന്നും ഒരാൾ എന്നെ വിളിച്ചു എന്നിട്ട് അയാൾ എന്നോട് പറഞ്ഞു അത് എൻറെ പാവയാണ്.മനസ്സിലൊരായിരം സങ്കടങ്ങൾ ഒളിപ്പിച്ചുവെച്ച ചിരിച്ചുകൊണ്ട് ഞാൻ പാവയെ അയാൾക്ക് നേരെ നീട്ടി.


"വർഷങ്ങളായി നമ്മൾ കാണുന്ന നീതിദേവതയുടെ കണ്ണുകെട്ടിയ മുഖം പോലെ അദൃശ്യമായ ഒരു തുണികൊണ്ട് ഇന്നും പല പെൺകുട്ടികളെയും നിശബ്ദരാക്കി യിട്ടുണ്ട്"

© r_bb.