"Happy Father's Day papa. I love you so much." 3 saal ki Riya apne bade hi pyare swar se boli Vikash ko. Varanasi k ek sadharan se ghar me pala bada Vikash, apni Pratibha aur kadi mehnat k bad safalta ki sidhiyan chadh rha tha. Aaj uske paas mehenge kapde, gaadiyan aur makaan thi. Apni beti Riya ko woh, woh saare sukh suvidha dena chahta tha jo uske liye kabhi ek sapna hua krta tha. Insaan aaj b woi sadharan hi hai, Zameen se juda hua. Par jiwan saili behtar ho gayi. Jabse Ankita jesi bade Ghar ki ladki ka haath thama hai, tabse ese hi jiwan saili me apne aap ko dhalne ki kosis kr rha hai woh.

June mahine ki teesra raviwar ko Father's day manaya jata hai, Ye baat Vikash ko inhi kai saalon me pata chali. Jabse Facebook pe ese kuch dino ki visista aur lokapriyata badh chuki thi. Vikash ka bachpan Dehradun k army quarters me guzra tha. Pitaji army me the aur bahut kathor mizaz k the. Anusasan aur samaya ki pawandi rakhna jese rago me daud rha tha Vikash ka. Tab army walon ko tankhwa bahut kam milti thi aur transfer kaafi niyamit roop...