உனக்காக ஓர் உலகப்போர்
ஆம், உனக்காகவே...
உடுக்கை அடித்து உரக்கவே
உரைக்கிறேன்...
இந்த உருமாறிய உலகிற்கு...

முக்கால் பாகம்
உலகின் நீரே...
நீ யில்லயேல் மனிதன்
மூக்கால் அழுகிறான்...

வயல் செழிக்க வாய்க்காலாகவும்
தினம் குளிக்கக் குளம் குட்டையாகவும்
வளம் நிறைந்த வற்றா நதியாகவும்
அலையோடு கரை தேடும் கடலாகவும்

பகவானின் படைப்பில் பாரில்
பன்முகம் கொண்டாய் நீயோ...!

ஆயினும் மனிதன் உன்னை
பழித்ததாலே
இன்று தண்ணீர் தண்ணீரென்று
தவிக்கிறான்...

வளியில்லை காரணம் புனல்
பொழியும் முகிலில்லை
வாய்ப்பில்லை...