പണ്ട് ഒരുകാലത്ത് നാട്ടുരാജാവായിരുന്ന അഹംഭാവം നിറഞ്ഞ കോതാണ്ടരാമൻ തന്റെ വീരത പ്രകടിപ്പിക്കുവാൻ കാട്ടിൽ നായാട്ടിന് പോകാൻ തീരുമാനിച്ചു.
വിവരം മന്ത്രിയായ വിജയരാജനേയും, സേനാപതി ജയസിംഹനേയും അറിയിച്ചു.
കാട്ടിൽ കൂടുതൽ പരിചയമില്ലാത്ത രാജാവിന്റെ ഈ ഇംഗിതത്തിന് കൂട്ടു നിൽക്കുന്നത് അത്ര ശുഭകരമായ കാര്യമല്ല എന്ന് അറിയാമെങ്കിലും രാജാവിനോട് പറയുവാൻ തക്ക ധൈര്യം മന്ത്രിക്കോ സേനാപതിക്കോ ഉണ്ടായിരുന്നില്ല.
എങ്കിലും മന്ത്രിയും സേനാപതിയും കൂടിയാലോചിച്ച് ഒരു നല്ല പരിശീലനം ഉള്ള നായയെ കണ്ടുപിടിച്ചു കൊണ്ടുവന്നു.
...