YAADON KI KITAAB...

Baith kar iss kaale Andhere mein
Yaadon ki jab kitaab kholi
To dekha ki kuch lamho ko, aaj bhi intzaar hai humare laut aane ka

Jaise...

Woh pehla din school ka.
Ready hote they aise
Jaise Picnic jaa rahe ho
Par manzil par pohch kar
Rote they aise, Jaise
Dulhan ki bidaai ho...
Maa ka aanchal na choothta haathon se
Woh nikalte aansu ye keh jaate they
Na jao mujhe yahan chodd kar Maa
Tere bina mujhe kuch nahi bhaate hain.

Kuch panne palte, to 1 modh aaya
Nayi dosti mili, thoda xtra pyaar paya
Seekhte hain ab sab saath milkar
Khelne ka bhi waqt aaya
Bachpan ka yeh Ek naya anubhav paya

Woh 25 paise mein 4 toffees
Share kar ke khaana, fir kehna
Mummy isne meri chocolate li...

Hide n seek ka woh khel tha
Chupna yaaron ke saath fix tha
Galti se gar pakde bhi jaate
"Aatli Baatli Futli" zor se chillate.

Aage badhe to aaya woh panna
Jahan likha tha "Main police, Tu chor banna."
Bhaagte rehte har galli zor zor chillate
Pareshan hote sab, aur khel bandh karwate.

School ki baatein bhi yahan kaidh hai
Teachers ko tang na kare, boht rare hai
Maths ke sums kuch samajh nahi aate
Science ke experiments, bas takleef de jaate

Woh baar baar Ghadi ko dekhna
Period kab khatam ho, bas yahi sochna
Favourite teacher ke saamne achha ban jana
Jaise hi woh jaaye, fir se kaminepan par utar aana

Break mila, Dabba khula
Share hua par peth na bhara
Woh dekhna yahan wahan
Aur fir dost ko kehna
"Mere liye 2 rupaye ke beej aur ek vada pav le aaa."

Woh baat mujhe aaj bhi yaad hai
School mein hua pehla pyaar hai
Kehte hain yahan crush sab usko
Teachers aur students, dono bimar hai

Iss panne par mila woh tyohar hai
Serious hota jisme pura parivar hai
Raat din hoti books humare haath mein
Pata chal jata hai ki aaya SSC Uphar hai

Paas hue, bade hue, hue samjhdar hum
Jr. Coll mein bane naye yaar hum
Masti yahan bhi hui, maza bhi aaya
Jaise taise yaaron teenage gawaaya

Ab Sapno ko Jeena hai yaaron
Degree College life bhi jeena hai yaaron
Kuch naya seekhenge, kuch behtar karenge
Aisa hi kahenge, Jab Graduation karenge...

Panna palta aur likhawat badli
Ye zindagi yaaron, 1 machine nikli
Roz subha uthna, kaam par jana aur laut aana hai
Tired hoon boht, ab mujhe so jana hai

Aage panna khaali hai
Aage intzaar mein adhuri zindagani hai
Na khel hoga, Na masti hogi aur na waqt...
Chal baseinge aise jaise guzra hua kal...

Thanc yu...
Yaadon ki kitaab mein simte hue kuch pal.

-By Azaan Khan . ( Aezz Khan )
© Aezz खान...