கல்தோன்றி மண்தோன்றா காலத்து தமிழே
உன்னை கற்பதற்கும் உலகில் விற்பதற்கும்
ஊக்கமாய் இந்த உரைகள்

என் பாட்டன் வள்ளுவன் வாயாடிய வரிகளோ
வரமாய் வைய்யகம் வாழ்த்தி நிற்க
அதற்கு நிகராய் எதில் சென்று நான் தமிழ் கற்க

உலகின் ஒப்பற்ற உயிரினமோ ஆறறிவு
அதனினும் மிகச்சிறிது ஓரறிவு
எவ்வறிவினையும் பகுத்து கூறும் உடலமைப்பு
ஒல்காப் புகழ் தொல்காப்பியம் அதன் தனி சிறப்பு

பாரிய பண்பாடும் சீரிய சிலம்பும் மேகலையும் தேறிய
குறளிலே வாரியே வழங்கும் சிந்தாமணியுடனே
வளையாபதி குண்டலகேசியும்

கடல் போல் கம்பராமாயணம் காதில் சொன்ன கம்ப நாட்டாழ்வாரும்
கவி அரசி அவ்வை அள்ளித்தந்த ஆத்திச்சூடியும் அகிலத்திற்க்கே அறம் போதிக்கும் அற்புதமே

ஏற்றிப் புகழ்ப்பாடு எம்மதமும் சம்மதம் காணும் எம்மொழியே
வாழ்த்தி பாட வகையாய் விளங்கும் போற்றிப்புகழ் பொன்மொழியே

புலவர் பெயர் வர புது கவி அனைத்திற்கும் புத்துயிராய்
வித்தாக விளங்கும் சொத்தான தமிழே

அறமென்ற அழகையும் புறமென்ற புகழையும்
வரமென்ற வாழ்வாய் வகுத்தளித்த வாய்மொழியே
என் தாய்மொழி தமிழே

உலகெங்கு ஓடினாலும் வாடி ஒளிந்திடாத கோடி
மக்களின் நாடி துடிப்பாய் நாவால் ஓதி வளரும் உயிரான
உலகமொழி என் தமிழே

தேடி பிடித்தே ஆய்வு படித்தே ஆறடி நாழி கீழடி தாளி
சாட்சியும் சாற்றுதே சறுக்கிடா உன் புகழ் சங்கம் வளர்த்து
அங்கம் வகுத்த சாதனை தமிழே

போரை புறம் தள்ளு பொருளைப் பொதுவாக்கு
அருளை அன்பால் பெரு ஆதங்கத்தை ஆற்றலால் தொடு

வெறுப்பை நெருப்பால் சூடு பொறுப்பை புத்தியால் எடு
போன்றன பல போதனைகளை போதித்த புகழ் மொழியே
என் தமிழே

பாரிலே பரப்ப பகுத்தறிவை நிரப்ப தேரிலே நீ வர
தினம் தினமாய் திரளுதே தமிழ் பேசும் கூட்டம்
செம்மொழியான எம்மொழியே உன்னை உலகமொழியாக்குவதே எங்கள் நாட்டம்

தலைமுறை பல தாண்டினாலும் பிற மொழி பல நம்மை சீண்டினாலும் வரைமுறை அறிந்தே கற்றோம் கற்பித்தோம் அதனை

அன்றியும் தமிழ் பகைக் கொண்டோரையும் நகைத்து திண்டோரையும் தமிழ் பண்பாளயே பாடம் பயில்வித்தோம்

ஊராரெல்லாம் உற்றுநோக்கும் உன்னத மொழியே என் கண்ணெனத் தமிழே
உயிர்கொடுத்தேனும் உருமாற்றுவேன் உன் பிம்பத்தை உலகறிய
அதில் பெரும் இன்பத்தை அரங்கேற்றுவேன் என்
தமிழ் விரிய

தமிழ் எனும் தாரக மந்திரமே தடைகளைக் கடந்து படை
முழங்க தரணி ஆள
பாலகன் இவனோ தமிழ் பாற்கடலில் தத்தளித்து கவி பாட

இறுதியும் இனிதுமாய் உறுதியோடு உரக்க சொல்வேன்
வாழ்க தமிழ் வளர்க தமிழ் வான் உள்ளவரை.

© ஆறாம் விரல் ​✍🏾

#தமிழ் #தமிழ்ப்பக்கம் #தமிழ்கவிதைகள் #தமிழ்கவிதை #தமிழ்வரிகள் #aaram_viral #tamil