6 Reads
Toote jo paash paash agar dil, kya kije
uthaiye tukrhe zameen se aur dua kije
phir wapis na aiye dubara waha laut kar
jaha'n apni zaat ik bar bhi maraa kije
Dil shikast khaye betha, ishq-o-muhabbat se
Phir pyar ki tamanna hai? ajji dafa kije
Annaa ka na sahi zameer ka kije khayal
Bheek me jo Izzat bhi mile to manaa kije
Har kisi se kar ke, kya paa liye aakhir
Ab ki baar kije to khud se wafa kije
Tanhayi kahaa'n, Tanha reh jana hai zulm
Dono alag marahil hai'n, farq rakhaa kije
Maana ke dard eendhan hai qalam ka Sahil
Magar dard bhi lije jitna seh saka kije...
-Ahmed Sahil
#dil #urdu #ghazal #ahmedsahil
