സൗഹൃദമായും സാഹോദര്യമായും എന്നോടൊപ്പമുണ്ടായ കൂട്ടർ കഥകൾ പറഞ്ഞും കളിച്ചും ചിരിച്ചും കൂട്ടുനിന്നോർ വാട്ട്സാപ്പ് സ്റ്റാറ്റസിൽ കാഴ്ചക്കാരായും ഫെയ്സ് ബുക്കിൽ ലൈക്കായും കൂടെ നിൽപ്പവർ പരിഭവങ്ങളാണിന്നേറെ ഇടയ്ക്കിടെയാ പരിഭവങ്ങൾ ചോദ്യങ്ങളായെന്നിലേക്കെത്തിടുന്നു :- നീയാകെ മാറിപ്പോയല്ലോ..... അറിയുമോ ആവോ? വിളിച്ചില്ലേലും ഒരു മെസ്സേജയച്ചൂടെ മറന്നിട്ടില്ലെന്നൊരു മറുപടി മാത്രം എനിക്ക് സുഖമെന്ന് നീയറിയുന്നു നിനക്ക് സുഖമെന്ന് ഞാനും. പറയാൻ കഥകളില്ലാഞ്ഞല്ല അറിയാതെ വന്നൊരാവിരാമത്തിപ്പുറം എന്തു പറയണം എങ്ങനെ പറയണമെന്നറിയാഞ്ഞിട്ടാണ്‌. | Quote by sreelakshmy