ಓ ಚಂದಿರ...!!
*****🌹*****
ಓ... ಚಂದಿರ !
ಓ ಮುಗಿಲಿನ ಚೆಂದದ ಚಂದಿರ !
ನಿನ್ನ ಮೊಗದ ಕಾಂತಿ ಎಷ್ಟೊಂದು ಸುಂದರ !
ನನ್ನೀ ಮೊಗದಲಿ ನಗುವರಳಿಸಿದ ಹುಣ್ಣಿಮೆಯ
ಆ ಮುದ್ದು ಚಂದಿರ..!!

ಬೆಳದಿಂಗಳ ಬಾನಿನ ಚಂದಿರ ನೀನು
ಹೊಳೆ ಹೊಳೆಯುವ ನಕ್ಷತ್ರಗಳೊಡತಿಯು ನಾನು
ನೀಲಾಕಾಶದಿ ನೀ ಮಿನು ಮಿನುಗುತಲಿರುವೆ
ಆ ಬೆಳದಿಂಗಳ ಬೆಳಕಿನಲೂ ನಿನ್ನೊಡೆ ಎಲ್ಲೆಡೆ ನಾನಿರುವೆ..!!

ಓ ಚೆಂದದ ಚೆಲುವಿನ ಚಂದಿರನೇ
ನೀ ಜೊತೆಯಿರೆ ಏನೋ ಸಂತಸ, ಸಡಗರವು !
ನಿನ್ನಯ ಕಾಣುವ ಹಂಬಲದಿ ನಿತ್ಯವೂ ನಾ ಕಾತುರವು !
ಬೀಸುವ ತಂಗಾಳಿಯಲಿ ನಿನ್ನನು ನೋಡುವ ಆತುರವು..!!

ಬೆಳದಿಂಗಳ ಹಾಲ್ಬೆಳಕಲಿ ನಿನ್ನನು ಬಳಿ ಕರೆಯಲು
ಸನ್ನದ್ಧವಾಗಿ ಕಾದಿಹವು ಮಿನು ಮಿನುಗುತ ಆ ನಕ್ಷತ್ರಗಳೆಲ್ಲವು!
ಅಂತಃಕರಣದ ಭಾವವ ಕೇಳಲು
ಅನುರಾಗದಲಿ !
ಆ ತಿಂಗಳ ಬೆಳಕಿನ ತಂಪಿನಲಿ..!!

ಓ ಚಂದಿರ ! ನಿನ್ನನು ಕಾಣದೆ ಕಳೆಗುಂದಿದೆ ಎನ್ನೀ ಮನವು !
ಮುಳುಗಿದೆ ಮನವು ನಾಳೆಗೆ ಕಾಯುವ ಚಿಂತೆಯಲಿ ?
ನನ್ನನು ಸ್ಪರ್ಷಿಸಿ, ನನ್ನನು ಕಾಡಿಸಿ, ಎನ್ನಯ ಹೃದಯವ ತಣಿಸಿದೆ ನೀನು !
ಕಾಣದ ಆ ಕತ್ತಲ ರಾತ್ರಿಯಲಿ ಹೋದೆಯು ಆದರೆ ಎಲ್ಲಿಗೆ ನೀ..!!

ನೆನಪಿನ ಅಲೆ ಅಲೆಯಲಿ ತೇಲುತ ಬರುವ ನನ್ನಯ ನಲ್ಮೆಯ ಚಂದಿರನೆ !
ಬಾನಂಗಳದ ತುಂಬ ಕಾಮನ ಬಿಲ್ಲಿನ ಚಿತ್ತಾರವ ಬಿಡಿಸಿದವನೆ,
ಕ್ಷಣ ಕ್ಷಣವೆಲ್ಲವೂ ನಿನ್ನನುರಾಗಕೆ ಸಾಕ್ಷಿಯ ನುಡಿಯುತಿದೆ
ರಂಗಿನಾಟದಲಿ ಮೆರೆಯುತ ಮುಳುಗಿರೆ ಆ ಬಾನು!
ಹೊಳೆ ಹೊಳೆಯುತ ನಕ್ಷತ್ರಗಳೆಲ್ಲವೂ ಕಾದಿವೆ ಮಿಲನಕೆ ನವ ಉತ್ಸಾಹದಲಿ !

ಓ ಚಂದಿರ !
ಬೆಳ್ಮುಗಿಲಿನ ಸಾಲಿನಲಿ,ಆ ಹುಣ್ಣಿಮೆ ಬೆಳದಿಂಗಳಲಿ
ನಿನ್ನಯ ನಗುವನು ನೋಡುತ್ತ ನಾ ನಿಂದೆ.
ನನ್ನಯ ಆಸೆಯ ಕನಸಿನ ಒಲವಿನ
ಆ ಆಲಿಂಗನಕೆ !
ಸ್ಫೂರ್ತಿಯ ಪ್ರೇಮದ ಲೋಕದ ಚೆಲುವನು ಇವನು,ಹೃದಯದ ತುಂಬ ಅವನದೆ ರೂಪ !
ಕಣ್ಗಳ ತುಂಬ ಅವನದೆ ಬಿಂಬ !
ಅವನದೆ ಆ ಪ್ರತಿಬಿಂಬ !
ಅದುವೆ....ಆ ಚಂದ್ರನ ಬಿಂಬ..!!

❤️ಸುಮನ್ ಹೆಚ್ ಸಿ ❤️