ಮೀಟಲು ಆಗುವುದಿಲ್ಲ ಕಲ್ಲಿನ ವೀಣೆಯನು
ಅರಿಯಲು ಸಾದ್ಯವಿಲ್ಲ ಮನಸಿನ ಭಾವನೆಯನು
ಕಂಡು ಹಿಡಿಯಲು ಆಗುವುದಿಲ್ಲ ಮೀನಿನ ಹೆಜ್ಜೆಯನು
ಹಾಗೆಯೆ ಅನುಭವಿಸಬೇಕು ಸ್ನೇಹದ ಆನಂದವನು
ವರ್ಣಿಸಲು ಸಾದ್ಯವಿಲ್ಲ ಸ್ನೇಹವೆಂದರೆ ಏನೆಂದು
ಅನುಭವಿಸಬೇಕು ಆನಂದಿಸಬೇಕು ಕೇಳಬೇಡ ಏಕೆಂದು
ಕಾಣದ ದೇವರ ನೆನೆದು ಅವನ ದಯೆ ಕೋರುವ ಜನ ನಾವು
ಅರಿಯುವುದಿಲ್ಲ ಏಕೆ ನಿರ್ಮಲ ಸ್ನೇಹದ ನೋವು
ಭಾವಿಸುವುದಿಲ್ಲ ಏಕೆ ಸ್ನೇಹ ಒಂದು ಮದುರ ಸಂಬಂಧವೆಂದು
ಕಟ್ಟುವಿರೇಕೆ ಅದಕೂ ಸಲ್ಲದ ಕಥೆಗಳನು
ಬದುಕು ಅಂದರೆ ಏನೆಂದು ಅರಿಯಬೇಕಿದೆ ನಾವಿಂದು
ನಗಿಸಲು ಸಾಧ್ಯವಿಲ್ಲದಿದ್ದರೂ ಚಿಂತೆಯಿಲ್ಲ ಆದರೆ ಸುಮ್ಮನೆ ಅಳಿಸಬೇಡಿ
ಕಣ್ಣೀರು ಒರೆಸದಿದ್ದರೂ ಪರವಾಗಿಲ್ಲ ಆದರೆ ಸುರಿಯುವ ಹಾಗೆ ಮಾಡಬೇಡಿ
ನಿಮಗೆ ಸ್ನೇಹದಲಿ ನಂಬಿಕೆ ಇರದಿದ್ದರೆ ಚಿಂತೆಯಿಲ್ಲ
ಆದರೆ ನಂಬಿದವರ ನಂಬಿಕೆಯ ಕೆಡಿಸಬೇಡಿ
ಜಗದಲಿ ಕಣ್ಣಿಲ್ಲದ್ದವರಿಗಿಂತ ಕಣ್ಮುಚ್ಚಿ ಕುಳಿತವರೇ ಹೆಚ್ಚು
ಕನಸು ಕಾಣುವವರಿಗಿಂತ ಕನಸು ಕಳೆದು ಕೊಂಡವರೇ ಹೆಚ್ಚು
ಸ್ನೇಹದ ಲೋಕದಲಿ ಸ್ನೇಹದ ಬೆಲೆ ಎಂದಿಗೂ ಹೆಚ್ಚು.