எப்போ?
அரசுப் பேருந்தின் அடையாளம் மாறுவது எப்போ?
நியாய விலைக் கடையில்,
மாத இறுதியிலும் மண்ணெண்ணெய் கிடைப்பது எப்போ?
நாகரிக வளர்ச்சியில்,
நலிந்து போன நல்ல தண்ணீர் ஊருணி நல்ல தண்ணீர் தருவது எப்போ?
எங்கள் ஊர்ப் பெண்கள்,
சூழ்ச்சிகள் மீறி சுகப் பிரசவம் காண்பது எப்போ?
காசில்லாக் கல்வி இங்கே,
கிடைப்பதெப்போ?
அரசியலும் மறுபடி இங்கே,
அழகாய் மாறுவதெப்போ?
அடிமைத்தனம் ஒழிவதெப்போ?
முத்தமிழ் நாடு நற்றமிழ் பேசுவதெப்போ?
நதிகளும் நாட்டு மக்களும்
இணைவதெப்போ?
விடியலை நோக்கி இருக்கும்_என்
தேசத்தின் விடியல் எப்போ?
மறுபடி நான் பிறக்க வேணும் அப்போ......