ਜਿੰਦਗੀ ਭਰ ਬਣ ਰਹੇ ਮੁਸਾਫ਼ਿਰ
ਕਦੀ ਇੱਥੇ, ਕਦੀਂ ਉੱਥੇ,
ਫਿਰ ਵੀ ਪੂਰੇ, ਹੋਏ ਨਾਂ
ਸੱਧਰਾਂ ਦੇ ਲੇਖੇ -ਜੋਖੇ !
ਜਿੰਦਗੀ ਭਰ ਬਣ.....

ਇੱਕ ਪੰਧ ਮਸਾਂ ਮੁਕਾਇਆ ਤੇ,
ਫਿਰ ਦੂਜੇ ਰਾਹ ਤੇ ਪੈ ਗਏ
ਇੰਝ ਲੱਗਦਾ ਕਿ, ਅਸੀਂ ਤਾਂ ਜਿੱਦਾਂ
ਲੋੜਾਂ ਜੋਗੇ ਰਹਿ ਗਏ
ਔਖੇ ਹੋ -ਹੋ ਜਿੰਦ ਲੰਘ ਚੱਲੀ,
ਕਦ ਹੋਵਾਂਗੇ ਸੌਖੇ !
ਜਿੰਦਗੀ ਭਰ ਬਣ.....

ਕਿਸ ਧਰਤੀ ਤੇ ਜਨਮ ਲਿਆ
ਤੇ ਕਿੱਥੇ ਆ ਵੱਸੇ,
ਰਹੇ ਮੁਸੀਬਤਾਂ ਦੇ ਵਿੱਚ ਜਕੜੇ
ਕਦੇ ਨਾਂ ਖੁੱਲ ਕੇ ਹੱਸੇ
ਰਾਉਲੀ ਵਾਲਿਆ "ਲੇਖ ਵੀ ਸਾਡੇ
ਆਖਿਰ ਨਿਕਲੇ ਖੋਟੇ !
ਜਿੰਦਗੀ ਭਰ ਬਣ.....

"ਰੁਪਿੰਦਰ ਹੁੰਦਲ "ਇਟਲੀ
00393348766435