Andar Ki Haqiiqat Dikha Kar Banvaati Shakl Hataa Deta Hai
Hai Insaan Ke Jism Ka Markaz Chehra Bhi Kuch Kuch Bataa Deta Hai

Raaste Alag-Thalag Kar Gaye Hain Hamari Koshish.on Ko
Par Jis Pal Bhi Dekhun Aa.iina Teri Tasviir Sajaa Deta Hai

Tera Man Chanchal,Mera Dil Pagal,Hamari Soch Mai Ha.dkal
Tu Ta'allauq Tod Ke Aata-Jata Hai,Saansein Hilaa Deta Hai

Har Baar Akhiri Baar Keh Kar Tujhe Zehn Se Mitaane Lagta Hun
Lekin Apna Vafaadaari Vaala Mizaaj Teri Yaad.on Ko Jagaa Deta Hai

Umiid Allah Se Mushkil Mai Rakhne,Kaam Laane Ki Chiiz Hai
Vo Tuufaani Samandar Se Kishtiyon Ko Paar Laga Deta Hai

Bataao Aj Kahun Mai Sher Kehne Ki Raah-e-Amal Hai Kya
Shaa.ir Mauzu Chun Kar Apne Andaaz-e-Bayaan Mai Bana Deta Hai

Kya Hai "Huuk" Kis Qadr Dard-naak Hai,Jaa-e-Panaah Maango
Jaise Koi Chhala Hai Jo Andaruun Ka Zakhm Khula Deta Hai

© AadilKashmiri