ಅವಿತು ಕುಳಿತ ಪ್ರತಿಭೆ ಅನಾವರಣಗೊಂಡಿತು ಅವಕಾಶದಲಿ
ಮುಚ್ಚಿಟ್ಟ ನೇವರಿಕೆಯ ಬದುಕು ದಾರಿ ತೋರಿತು ಅವಕಾಶದಲಿ

ಜೀವನ ಸುಲಭದ ಹಾದಿಯಾಗಿರಲಿಲ್ಲ ಮುಚ್ಚಟೆಯ ತಪಸ್ಸದು
ಆಡಿ ಹೋಗುವವರ ಬಾಯ್ಮಾತಿನ ಕಟು ನುಡಿಗೆ ಮೌನ
ತಾಕಿತು ಅವಕಾಶದಲಿ

ಬೆನ್ನೆಲುಬಾಗಿ ನಿಂತರೆ ಸಾಲದು ಆತ್ಮ ಶಕ್ತಿಯ ಜ್ಯೋತಿ ಬೆಳಗಿಸಿಕೊಳ್ಳಬೇಕು
ಹಿರಿ ಕಿರಿಯ  ಕವಿಯ  ಸಾಂಗತ್ಯದಲಿ ಪ್ರಕೃತಿಯು ಪ್ರೇರೇಪಿಸಿತು ಅವಕಾಶದಲಿ

ಬರುವ ಸಂಕಟಗಳ ಸಂತಸದ ಸೋಪಾನವಾಗಿಸಿಕೊಳ್ಳುವ ಛಲವಿರಬೇಕು
ಹೋರಾಟದ  ಬದುವಿನಲಿ ಬೆಂದ  ಅಂಬಲಿ
ಮೃಷ್ಟಾನ್ನವಾಯಿತು ಅವಕಾಶದಲಿ

ನಿರ್ಮುಕ್ತ  ದೇಹವೆಂದು ಶಾಶ್ವತ ಶೂನ್ಯದತ್ತ ಸಾಗುವುದೋ ತಿಳಿಯದು
ಪ್ರಖರ ಜ್ಞಾನ ರಶ್ಮಿಯ ಬೆಳಕಿನಲಿ ಹಾಗೇ ಸುಮ್ಮನೆ
ಘಟಿಸಿತು ಅವಕಾಶದಲಿ