Aaj jab bethe saath
bohot dino ke baad
to ehsas huwa
ke kuch kam tha

Wo jazba baat Karne ka
Wo ehsaas baat sunne ka
Wo khayaal unka sochne ka
Aaj mehsoos huwa ke wo kam tha

Aaj dil ko tasali diyay
Sab muskura rahe the
Lehje me khamoshi to thi
Magar usme sukoon bohot kam tha

Aaj bachpan ke yaar mile the
Milte hi muskura liyay the
Jin aankho me pehle masoomiyat thi
Aaj unme bachpana bohot kam tha

Jo kabhi khul kar hans liya karte the
Jo har baat par muskura liya karte the
Jo kabhi zindagi ka har pal moj me guzara karte the
Aaj unme jeene ka showk bohot kam tha

Ye nahi keh rahi ke unki galati hai
Ye nahi keh rahi ke unki majboori hai
Lagta hai hamari dosti me wo baat nahi ab
Shayad isiliyay dil se bolne wale bohot kam the
© Sakina