என் தனிமையில்
உம் துணையினில்
மகிழ்கிறேன்
உம் ஆவியில்
உம் ஆறுதலில்
வாழ்கிறேன்

என்னை நெருக்கி உருக்கி ஒடுக்கி அடைத்த கூட்டத்தை எல்லாம் நீர் அடைத்தீரே
என்னை உருக்கி வணைந்து
உருவம் கொடுத்து உம்முடன் என்னை நிற்க வைத்தீர்
நான் எழுதும் காவியம்
நீர் தந்த ஞானம்
உம் வழியில் பயன்படும்
உம் வழியில் வளர்ச்சி பெறும்
உம் மனதை திருப்தியாக்கும் நல்ல
வரம் ஒன்றை நீர் தந்தீர்
உம் தோழர் கூட்டம் பெருகியே உம் சிலுவையண்டை நின்றிடும்

எனக்கெதிராய் ஒரு கூட்டத்தை எழுப்பியே விடுகிறீர்
எனக்கெதிராய் ஒரு மனிதனை தூண்டியே விடுகிறீர்
தனிமையாய் போரிட என்னை கை விடுகிறீர்
விடுகிறீர் விடுகிறீர் கை விடுகிறீர்

நீரோ எல்லாம் என் நன்மைக்காக செய்கிறீர்
என் விரல்களை போருக்கு பயிற்றுவிக்கிறீர்
இது தெரியாமல்
உண்மை புரியாமல்
உம்மேல் பலமுறை கோபித்தேனே
மதியீனன் நான்
புத்தியீனன் நான்
உம் அடி வீழ்ந்து கெஞ்சினேனே

இதோ உமக்கே அடிமை என்று கூறினேன்
ஏதோ பித்தம் பிடித்தவனைப்போல் நிற்கிறேன்
என்னை பகைத்த கூட்டத்திற்கு முன்
என்மேல் உம் அன்பை காண்பித்தீர்
என்னை ஒடுக்கிய மனிதன் முன்பென்
தலையை உயர்த்தி நகைக்க வைத்தீர்
நகைக்க வைத்தீர் என்னை
நகைக்க வைத்தீர்
இயேசுவே என் இயேசுவே






© gladis