ಸಖ:
ಬಾಳಲಿ ಹರುಷವೇ ತುಂಬಿದೆ ಬಳಿ ನೀನಿರಲು ಸಖಿ
ಬದುಕ ಬವಣೆಗಳು ಮಾಯವಾಗಿವೆ ನಾನೀಗ ಸುಖಿ
ನಿನ್ನಾಗಮನದಿಂದ ನವ ಕನಸುಗಳು ಚಿಗುರಿವೆ ನಲ್ಲೆ
ಕನಸಿನ ಮನೆಗೆ ತೋರಣ ಕಟ್ಟೋಣ ಭರವಸೆಯಲ್ಲೆ ..

ಸಖಿ:
ನಿನ್ನಾಸೆಗಳಿಗೆ ನನ್ನೀ ಉಸಿರು ಮೀಸಲಿಟ್ಟಿರುವೆ ಸಖ
ಹೆಜ್ಜೆ ಮೇಲ್ಹೆಜ್ಜೆಯಿಟ್ಟು ನೀ ಬರಲು ನನಗಿಲ್ಲ ದುಃಖ
ನಿನ್ನ ನೆರಳಂತೆ ಅನುಕ್ಷಣ ನಾ ಹಿಂಬಾಲಿಸುವೆ ಮಲ್ಲ
ಜಟ್ಟಿಯಾಗಿ ನೀ ಜೊತೆಗಿರೆ ಯಾವ ಭಯ ನಂಗಿಲ್ಲ..

ಸಖ:
ಜೀವನ ಯಾನದಿ ದೊರೆತ ಕಡಲ ಮುತ್ತಂತೆ ನೀನು
ಕಣ್ಣಲ್ಲಿ ಕಣ್ಣಿಟ್ಟು ಜೋಪಾನವಾಗಿಸುವೆ ನಿನ್ನ ನಾನು
ಮೂಡದಿರಲಿ ನಮ್ಮೀ ಬದುಕಿನಲಿ ಮುನಿಸಿನ ಗೆರೆ
ನಿನ್ನ ಹೃದಯದರಮನೆಗೆ ಎಂದೆಂದೂ ನಾನೇ ದೊರೆ..

ಸಖಿ:
ಕಟ್ಟಿದ ಕನಸಿನ ಗೋಪುರಕೆ ನೀನೇ ಸಖ ಸಾರಾಂಶ
ನಿನ್ನಲ್ಲೇ ಕಳೆದು ಹೋಗಿಹುದು ನನ್ನ ಬದುಕಿನಾಂಶ
ಏಳೇಳು ಜನುಮಕೂ ನಾನಾಗುವೆ ನಿನ್ನ ಸಂಗಾತಿ
ಬಾಳಿನ ಪುಟದಿ ಬರೆದಾಗಿದೆ ನೀನೇ ನನ್ನ ಅಧಿಪತಿ..

#Kannada #Kannadaquote #vijaykumarvm #ವಿಬೆಣ್ಣೆ

© ವಿಜು ✍ 💞