Har baar tujhe likh kar har baar mita jata hoon

Ai Zindagi tujhe main samajh hi nahi pata hoon


Kabhi girati hai mujhe phirse uthane ke liye

Kabhi bewajah dard de jati hai rulane ke liye


Kabhi bin mange khushiyon ka tohfa de jati hai

Kabhi mushkil bhare mod par dhoka de jati hai


Kabhi dil karta hai jee lun tujhe jee bhar ke

Kabhi lagta hai dur kardun tujhe khatm kar ke


Kabhi kisise pyar karne par majbur kar deti hai

Kabhi usi pyar ko juda karke tu dur kar deti hai


Kabhi duniya ka ek alag hi rang dikhati hai

Kabhi pal bhar mein sab kuch badal jati hai


Kabhi gehre rishton ko bhi anjaan bana deti hai

Kabhi naye rishton se bhi pechan bana deti hai


Phir bhi ek ajeeb sa sukoon main tujhme pata hoon

Ai Zindagi tujhe main samajh hi nahi pata hoon

#shayarindia #WritcoQuote #writers #Shayari #inspiration #Motivation #LifeQuote #Love #Life #Poetry
© shayarindia