Bachpan me woh bachhi giri toh tum sab uspe hase
School me kisi ke puraane juute, fataa bag dekhke tum uspe hase
Fir kisike marks kam aaye uspe hase
College me koi bus ya auto rickshaw se aaya toh uspe hase
Kisike paas sasta mobile dekh ke hase
Ab kisiki job pe haste ho toh kisi ko shakl pe
Kisike weight pe haste ho toh kisi ki height pe
Kisi ki shaadi me khaane pe toh mandap sajaane pe hase
Kisi ladki ke maap baap ne zindagi bhar apna khoon paseena ek karke jo use shaadi me diya tum uspe bhi hase
Toh kisi ladke apni ichhaye maarke ladki ko kya diya uspe bhi hase
Kisi ki choti gaadi toh kisi ke ghar pe hase
Mujhe koi problem nahi par bas taras aata hai tumpe
Kyun ki mai jaanta hu akele me tum has bhi nahi sakte
Piche mud ke tum dekho toh tumne kiya hi kya hai
Liya sabse hai, kisi ko diya hi kya hai
Tum toh pyaar ko bhi peso me role ho fir pyaar kiya hi kya hai
Yeh sirf yeh bataane ke liye ke bhagwan ne sabko sab kuch diya hai, par tum na khud se santusht ho na dusre se
Aur jab ek baar kismet tumhari tumpe has raho hogi aur tum phoot phoot ke ro rahe hoge toh yeh sawaal galti se na puch lena mere dost ke kyun woh has rahi hai
Jawaab tumse saha nahi jaayega
Bhagwan se kuch suna aur tumse kuch kaha nahi jayega
Fir aakhri baar tumhaare paas khud pe hasne ke siva aur kuch raha nahi jaayega.
© Vinamra

#WritcoQuote #writco #LifeQuote #Life #writers