ಎಲ್ಲಿ ಮರೆಯಾಗಿರುವೆ ಓ ಇನಿಯ
ಆಲಿಸು ಬಾ ಎನ್ನ ಸವಿ ನುಡಿಯ
ಕೊಡುವೆ ನಿನಗೆ ನಿಷ್ಕಲ್ಮಶ ಪ್ರೀತಿಯ
ಮೀಸಲಿಟ್ಟಿರುವೆ ನನ್ನ‌ ಪುಟ್ಟ ಹೃದಯ ||1||

ಜೊತೆಯಾದ ಒಡನಾಟದ ನೆನಪು
ಕಾಡುತ್ತಿದೆ ಬಿಡದೆ ನಿನ್ನ‌ ಒನಪು
ನಗು‌ ಮೊಗದ ಕೆಂಪಾದ ಕದಪು
ಪೌರ್ಣಿಮೆಯಲ್ಲಿ ತೋರುವ ಹೊಳಪು ||2||

ಕಳೆಯುತ್ತಿರುವೆ ನೀನಿಲ್ಲದ ಕ್ಷಣ
ಚಡಪಡಿಸುತ್ತಿದೆ ನನ್ನೀ ತನುಮನ
ಕಾಯುತ್ತಿರುವೆ ನಿನಗಾಗಿ ಅನುದಿನ
ದರ್ಶನ ನೀಡುವೆಯಾ ಸುದಿನ ||3||

ನೀನಿಟ್ಟು ಹೋದ ಒಲವ ಹೆಜ್ಜೆ
ಹೆಚ್ಚಿಸಿತು ನನ್ನೊಳಗೆ ಕಾಣದೆ ಲಜ್ಜೆ
ನೆನಪಾಗಿ ನೀ ಕೊಟ್ಟ ಸಪ್ಪಳದ ಗೆಜ್ಜೆ
ನಿತ್ಯ ಪೂಜಿಸುವೆ ಹೃದಯದ ಸಜ್ಜೆ ||4||

ಬರೆದು ಕಳುಹಿಸಲೆ ನಿನಗೆ ಕವಿತೆಯ ಹಾಳೆ
ಮಾಡದಿರು ಬಂದು ಯಾವುದೇ ರಗಳೆ
ಜೊತೆಯಿದ್ದು ಸುರಿಸು ನಗುವಿನ ಹೂಮಳೆ
ಬೇಸರ ಮರೆಸಿ ಹೆಚ್ಚಿಸು ಮೊಗದ ಕಳೆ ||5||

ಬಾಳಲ್ಲಿ ತರಿಸು ಆನಂದದ ಹೊಳೆ
ಊದೋಣ ಕೇಳುವಂತೆ ಮದುವೆ ಕಹಳೆ
ಬರುವೆಯಾ ನನಗಾಗಿ ಇಂದೆಲ್ಲಾ ನಾಳೆ
ನಿನಗಾಗಿ ಕಾಯುತ್ತಿರುವೆ ಪ್ರೀತಿಯ ಇಳೆ||6||
✍️ಶೃತಿ ಶೈವ

#WritcoQuote#writcoapp#Writer#Writco#shruthishaiva#Writcopoem#ಕಾಯುತ್ತಿರುವೆಇನಿಯನಿನಗಾಗಿ#ಪ್ರೀತಿ#ಇನಿಯ