Khuda par yaqeen rakh ai bande
Us-se behtar sahaara dena wala aur koi nahi
Aik baar aankh band karke yaad to kar
Us-se behtar tera madadgaar aur koi nahi

Tu kyu bhaagta hai un logo ke peechay
jinko aik na aik din to chale hi jaana hai
aaj unho ne wafa kar bhi li
To maut ke waqt to saath chhor hi jaana hai

tu yaad uss rab ko phir kyu nahi karta
jisne aakhirat tak uske saath ka wada Kiya hai
tu aik baar dil se dua to kar
uske siwa meherbaan aur koi nahi

tu rota hai unn logo ke saamnay
jo tere liyay kuch nahi kar sakte
tujhe rona hi hai to uss rab ke aagay ro
jinse zyada kareem aur koi nahi

© Sakina