ഒരുവളെ നീ പ്രണയിച്ചിട്ടുണ്ടോ...?? ഭ്രാന്തമായി അവളിലെ പ്രണയത്തെ ആസ്വദിച്ചിട്ടുണ്ടോ...??

നീ അവളിലെ അധരങ്ങളെ ഭ്രാന്തമായി കവർന്നിട്ടുണ്ടോ..?
കാട്ടുതേനിനേക്കാൾ മാധുര്യം നിറഞ്ഞ മത്തുപിടിപ്പിക്കാൻ കഴിവുള്ള മധുകണങ്ങളവയിലായി ഇറ്റുവീഴാറുണ്ട്... !!

നീ അവളുടെ മിഴികളിൽ മിഴികൾ കോർത്തിട്ടുണ്ടോ...??
നിനക്കുചുറ്റും പാറിനടക്കുന്ന മിഴിക്കോണുകളിലായി അവളൊരു കുഞ്ഞുകവിത ഒളിപ്പിച്ചിട്ടുണ്ട്.. അവ നീ നിന്റെ ഹൃദയംകൊണ്ട് വായിച്ചെടുക്കുക.. !!

നീ അവളുടെ വിരലുകളിൽ വിരൽ കോർത്തിട്ടുണ്ടോ...??
നിന്റെ ചൂടും ചൂരും തേടിയവളിലെ പെണ്മയെ തൊട്ടുണർത്താൻ കഴിയുന്ന ചെറു സ്പർശനമാണവ... !!

നീ അവളുടെ മുടിയിഴകളിൽ മുഖമൊളിപ്പിച്ചിട്ടുണ്ടോ...??
കാറ്റിൻ ചെറുകുസൃതിയാൽ പാറിപ്പറക്കണ ഈറൻ മുടിയിഴകളിൽ മനംമയക്കുന്ന വശ്യമാർന്ന ഗന്ധം നിനക്കായി പകരുന്നുണ്ട്... !!

നീ അവളിലെ അംഗലാവണ്യത്തെ ആസ്വദിച്ചിട്ടുണ്ടോ...??
നിന്റെ ആസ്വാദനങ്ങൾക്കായി അവളെന്നും വശ്യത തീർത്തിരുന്നു... !!

നീ അവളുടെ ചുവടുകളെ ശ്രദ്ധിച്ചിട്ടുണ്ടോ...??
നിന്റെ പാദങ്ങളുടെ നിഴലുപറ്റി സദാ നിനക്കുചുറ്റുമവ അലഞ്ഞിട്ടുണ്ട്... !!

നീ അവളുടെ വാചാലതയെ മൗനത്താൽ പുൽകിയിട്ടുണ്ടോ....??
നിന്റെ പ്രണയത്താൽ അവളിലായി പടരുന്ന ശോണിമയിലായി ഇടറിവീഴുന്ന ശബ്ദശീലുകളും വരണ്ടുണങ്ങിയ തൊണ്ടക്കുഴിയും അവളിലെ പ്രണയാതുരമായ മൗനത്തെ പുൽകാറുണ്ട്... !!

നീ അവളിലെ പെണ്മയെ അറിഞ്ഞിട്ടുണ്ടോ..??
മതിവരാത്തോളം നീയെന്ന പ്രണയച്ചുഴിയിലായി ഊളിയിട്ടവ നിന്റെ സ്പന്ദനങ്ങളെ തഴുകിയും നിന്നിലെ ചെറു നോവിനെ പുണർന്നും ചാറ്റലായും പെരുമഴക്കാലമായും നിന്നിലെ പ്രണയത്തെ ആവാഹിച്ചവളുടെ പെണ്മ...!!

❤അറിഞ്ഞിട്ടും അറിഞ്ഞിട്ടും തീരാത്തത്ര നിറഞ്ഞിട്ടുണ്ട് അവളിലെ പ്രണയം ❤
❤ഹൃദയതൂലിക ❤