Rooth naa jae koi hmse
Baat baat pe darte the....
Bure na saabit hum ho jae
Aksar socha krte the....
Karu kadar teri tujhe pyaar karu
Harbaar ye koshish rehti thi,
Inn aankhon ki chamak bhi
tere gum k aage behti thi...
Thodi si jo teri thi
toh meri bhi kuchh galti thi,
Haan tune jo pakdai
wo dor pakad mai chalti thi...
Wo waqt hasee, wo khel hasee
jo ishq me khela karte the
Tum toh kaafi aage nikle
'ishq' hi khela krte the....
Jab jazbaaton ko bun ne waale
ye dhaage hi kachche the
Ley duniya tune phir dikhlaya
Hum toh phir bhi achhe the......




© Saumya Tripathi