குட்டி வால்
குதிரை தானோ
இந்த தட்டுத் தடுமாறும்
ஒருதலை காதல்,
மொட்டு விழி பார்த்ததுமே
முகபாவனை மாற்றுதய்யா…

கட்டவிழ்த்த
கால்கள் இரண்டில்
கழட்டிவிட்ட சக்கரம்போல்
இரட்டைச் சடை பின்னலிலே
ஈர்த்து அங்கே ஓடுதய்யா…

பட்டாம் பூச்சி
பார்வை வெட்ட
பாவப்பட்ட பய நானோ
கொட்டாங்குச்சி கோலிசைக்க
கொலுசொலியில் மாட்டுதேன்ய்யா…

கட்டு கருப்பட்டி கலையழகி
மெட்டு போட்டு மேவி நடக்க
வெட்டவெளி வேப்பமரம்
ஒட்டி நின்னு நா ரசிக்க
தட்டாந்தரை தரணியெங்கும்
தாவிக்குதிக்க பார்க்குதய்யா…

கொத்தமல்லி கோவக்காரி
சத்தமாகச் சாடை காட்ட
பித்து காதல் அத்தனையும்
மொத்தமாக மூட்டைகட்டி
சித்தனாக நா மாறுதேன்ய்யா…

#தமிழ் #தமிழ்ப்பக்கம் #தமிழ்கவிதைகள் #தமிழ்கவிதை #தமிழ்வரிகள் #aaram_viral #tamilquotes
© aV ​✍🏾