ప్రతిరోజూ నువ్వు లేకుండానే నీతో గడుపుతుంటాను నేను
అయినా నిన్ను కోల్పోతూనే ఉంటాను ఒక్కో క్షణం
నాలో స్ఫూర్తి రగిలించి జీవించడానికి గమ్యం ఏర్పరిచి
నువ్వు నీ కాలాల్లో కనుమరుగవుతుంటావు
అయినా నువ్వు నాలో అంతర్వాహినిలా అణువణువూ ప్రవహిస్తూ ఉంటావు
నేను ప్రతి క్షణాన్ని నీతోనే గడుపుతుంటాను
అయినా ఎంతో నిన్ను కోల్పోతూనే ఉంటాను అనుక్షణం
నువ్విక్కడున్నావని నీకెప్పుడూ చెప్తూనే ఉంటాను
అయినా నువ్వు అక్కడ నీలో నువ్వు నిమగ్నమైన వేళ
నేనిక్కడ నీ ఆలోచనల్తో సహగమిస్తుంటాను
సాగుతుంటాను
నా ఘాడమైన అనుభూతుల్ని నీకు దృశ్యంలా పర్వాలనుకుంటాను
ఇది కల్పనకాదు కల అంతకన్నా కాదు
నా గమనాన్ని పావనం చేస్తున్న నీ తాలుకు సంఘటనలు చిత్రించి నీకు చేర్చాలనుకుంటాను
ఎక్కడో ఏర్పడిన చిన్న శూన్యత నన్ను ఇలా ఛిద్రం చేస్తుంటే
బ్రతకడానికి భయమేస్తుంటుంది
నీ మౌనం మరణశిక్షకన్నా ఎక్కువుగా ఉందేంటా అని
అయినా నన్ను నీ పక్కన నడిపించాలన్న ఆశ మరణాల్లోంచి సైతం నన్ను బ్రతికిస్తుంది
© director.gopikiran