Ghazal

Tera Khayaal Hi Ab To Mera Sahara Hai
Tumhari Yaadein Shab O Roz Ka Guzara Hai

Ajab Hi Haal Mein Dooba Hua Mera Dil Hai
Kisine Door Se Shayad Mujhe Pukara Hai

Usi Ko Sochte Rehne Ka Hai Chalan Mera
Usi Ka Saamne Mere Sada Nazara Hai

Wahi To Inteha Hogi Hawaas Ki Mere
Mujhe Wo Itna Hi Keh De Ke Ye Hamaara Hai

Tere Ye Talkh Se Lehje Ko Mai Samajhta Hoon
Mufaraqat Ka Ye Shayad Mujhe Ishaara Hai

Unhi Ki Yaad Me *Karmi* Guzaar Loon Ye Hayaat
Jinhone De Diya Mujhko Boht Khasaara Hai

Moiz Raza Karmi, Al-Hind
© MoizRazaKarmi