हमर नाव छत्तीसगढ़िया,हमर पहचान छत्तीसगढ़िया,
खेत खार कमाथन,हरन सबले बढ़िया।
सबले मीठ हमर बोली,करथन सबले मीठ मीठ गोठ,
काकरो से बैर नही,भाईचारा रखो हमर पुरखा के गोठ।

देस सेवा करथन,अनाज ला उगाथन,
सेना में जाथन,ऊँहा नाम कमाथन
देस रक्षा बर बलिदान दे बर जानथन।
हमर नाव छत्तीसगढ़िया,हमर पहचान छत्तीसगढ़िया,
खेत खार कमाथन,हरन सबले बढ़िया।

तें ह राजिम ल देख दंतेवाड़ा ल देख सिरपुर ल देख,
चित्रकूट ल देख तीरथगढ़ ल देख अउ गंगरेल ल देख।
बस्तर ल घूम,गरियबन्ध ल घूम अचानक मार ल घूम,
चहुं मुड़ा देखे बर हवय जंगली जानवर के धूम।

बाइसन दिखाही मैना दिखही सांभर झुंड हाथी के झुंड हे।
इंद्रावती के धार हे महानदी विशाल हे पानी के दुकाल हे।
तीजा पोरा मनाथन हरेली नवरात्र मनाथन,
सब्बो तिहार जम्मो संगवारी मिल जुल के मनाथन।
हमर नाव छत्तीसगढ़िया,हमर पहचान छत्तीसगढ़िया,
खेत खार कमाथन हरन सबले बढ़िया।
© BALLAL S -५/५/२०२४