கண்ணில் முளைத்த கனவே நீ....
என்னில் நிலைத்து நனவாகு...
சொல்லில் விளைந்த கவியே நீ....
எண்ணில் இணைந்து நினைவாகு....

வேல்விழியில் பாசம் எழ...
ஓருயிராய் சுவாசம் வர...

விண்ணோடும் மண்ணோடும்
வாழ்ந்திருக்க....
கண்ணோடும் நெஞ்சோடும்
சேர்ந்திருக்க....


கை கோர்த்து காதல் பேசும்
காலம் இன்று...
கண் மூடி பாடல் பாடும்
ராகம் ஒன்று....

எந்நாளும் உன்மீது ஓர்
வாசம் உண்டு...
ஓர்நாளும் யாரறிவார்
எனையன்றி இங்கு...

உனை பார்த்த அந்நாளே
உயிர் கொண்ட பொன்னாளே....
பார்வைகள் பூத்தாலே
உயிர் பூக்கும் தன்னாலே...

எண்ணங்கள் எல்லை மீறி
அலைகின்ற போது ...
வண்ணங்கள் கொண்டு கவி
புனைந்தாலே மாது....

வான் மீது கோலம் போட
புள்ளி வைத்தேன்....
விண்மீனாய் மாறிவிட
மெய் சிலிர்த்தேன்....
இன்பங்கள் கூடி வந்த
கார்முகிலே...
தூறல்கள் சிந்திவிடு
காதலிலே...

நீ பாட வந்தேனே...
நான் ராகங்கள் தந்தேனே...
தாளங்கள் போடத்தான்
தவிப்புகள் கொண்டேனே....

அச்சத்தில் ஆற்றங்கரை
அலை அடிக்கிறதோ...
மிச்சத்தில் ஓடங்களும்
கரை ஒதுங்கியதோ...

எண்ணங்கள் எல்லை மீறி
அலைகின்ற போது ...
வண்ணங்கள் கொண்டு கவி
புனைந்தாலே மாது....

விண்ணோடும் மண்ணோடும்
வாழ்ந்திருக்க....
கண்ணோடும் நெஞ்சோடும்
சேர்ந்திருக்க....

#கவிநேசகியின்கிறுக்கல்கள்
#காதல்பாடல்
#தமிழ்கவிதைகள்
#நவரசநாயகன்
#கனவுநாயகன்
#கார்த்திகைக்கண்ணன்
© கவிநேசகி