aaj ki raat hai kuchh khaas, chalo koi wish maang lo,
try karunga ki poora ho jaaye bas itna jaan lo.
pehle nervous ho jaata tha tumhare samne ki , kya bolu,
ab tension ye hai ki kya gift doon.
tumhe kuchh khas dena chahta hoon, but de nahi paata,
tum khud hi samajh jaao na yaar, mujhe kuchh samajh nahi aata.

sach kehta hoon, sab kucch feeka padh jata hai,
tumhari smile ke aage.
tumhi bataao na yaar, ye pagal tumhare khayalon mein,
raatbhar, kaise na jaage.
tum poochhti rehti ho na ki, soye kyo nahi,
kyon raatbhar jaagte rehte ho,
kya milta hai, jo mere aage peechhe
aise bhagte rehte ho.

zawaab mein bas itna jaan lo, ki,
neend nahi aati raat ko.,
meri har baat bina kahe samajh jaaye,
koi hota nahi saath ko,
mulaqaat nahi, tasveeron se man bhar leta hoon,
tumhare saath hoon, kabhi akela mat samajhna,
keh deta hoon.

jab tum neend me lathpath, call karke
mujhse baatein karti ho na,
ek qute si pyari si bachchi lagti ho,
ab shayad thoda bahut samajh aa gaya hoga,
ki kyon tum, mujhko itni achchhi lagti ho.....

DUA HAI MERI, ki
sirf aaj nahi, har din, har pal tum khush raha karo,
tumhare muskurane se main jee uth ta hoon,
isiliye hasti raha karo.

#WritcoPoemPrompt2
In the end it was just me and my thoughts,
A painful trap, long after you were gone
© R raghav