Kam hote hain log jo chahte hain tumhe poore dil se

humne bhi dekha hai kayi logon ko kareeb se.

Wo samajhte hain ke hume farq nahi pata
'caring' and 'acting like caring' mein.

Phir bhi hum de dete hain jagah unhe dil ke kisi kone mein.

Kam hote hain log jo tum se pehle, tumhare dil ko chahte hain
jo tumhe paane se pehle,
tumhaare naadaaniyon ko sambhaalna chahte hain.

Kayi milenge aise log tumhe,
jo tumpe apna haq jataana chahte hain.
par kam hote hain aise log,
jo tumse pehle tumhaare jazbaaton ko apna banaana chahte hain.

Duniyaa itni chhoti bhi nahi, ke hum jab chaahein hume aise log mil jaayein.
par itni badi bhi nahi ke hum unke milne ki ummeed kho kar baith jaayein.

Maango aise logon ko duaaon mein
aur agar tumhaare paas pehle se koi hai aisa,
toh pakad ke rakhlo usko apni baahon mein.