YE HAI MUMBAI MERI JAAN.

Kabhi na sone vale sheher pe aaj sunnata chaya hua hai
Kya se kya hogayi zindagi
Kabhi na rukne vala sheher aaj kisi bimari ka saaya hua hai

Chalti daudti jaha local hazar
Har ravivar lagne vale vo bazar
Saikdo me lagne vali bheed
Kabhi na khatam hone vali umeed

Samandar ke kinare basa hua ye sheher,
Jispe har koi marta hai
Hausala rakhne valo ki jholi,
Ye sheher khazano se bharta hai.

Sabko safalta di hai, sabka badaya hai isne maan.
Isme ehsaas hi kuch alag hai, ye hai mumbai meri jaan.

Bade bade chunautiyon se ladi hai, par chamak apni khoyi nahi.
Ek bimari se haar jaye, itni kamzor Tu Ab hui nahi.

Jaha kuch pal me manzil tak pohochne ke liye, iske traffic me ghanto beet jate.
Aaj ghanto tak us sadak ko dekhne pe bhi,
Vo manzar vapas nahi aate

Sadak pe lage thele, un thele valo ki vo pukar
Dosto ke sath jake ghumna vo sealink bar bar
Marine drive pe jake, yaaron ke sang vo baatein.
Ab toh mann me hi keh ke rhai jate hai
' chal na yaar chai pee ke aate'

Yuh toh chote bohot khayi hai tune,
Par jawab hamesha aage badhna hi hai
Is sheher pe sabko naaz hai, firse tujhe sabka sar oocha karna hi hai.

Yuhi nahi ispe lakhon dil qurban
Ye hai mumbai meri jaan...
Ye hai mumbai meri jaan....















#mumbai